Кесе йома, 16 Апрель 2026

Өфө

+9 °С

Главное Иҡтисад Йәмғиәт Лонгрид Мәҙәниәт Сәйәсәт Спорт Хәл-ваҡиғалар

|Последние новости

Главная/Йәмғиәт

12:22 (UTC+5), 09 Апрель 2013

Башҡортостандың иң яҡшы уҡытыусыһы Өфөнөң 115-се мәктәбендә рус теле һәм әҙәбиәтенән уҡыта

Эльмира Сабирова

Өфө ҡалаһы Совет районының 115-се урта дөйөм белем биреү мәктәбенең рус теле һәм әҙәбиәте уҡытыусыһы Оксана Шәрәфетдинова «Башҡортостандың йыл уҡытыусыһы-2013» республика конкурсында абсолют еңеүсе тип танылды. Шулай уҡ ул «Иң яҡшы рус теле һәм әҙәбиәте уҡытыусыһы» исеменә лайыҡ булды.

Оксана Шәрәфетдинованың 15 йыллыҡ педагогик стажы бар. Башҡорт дәүләт университетының филология факультетын тамамлағандан һуң мәктәпкә уҡытырға килә һәм шул ваҡыттан алып һөнәренә тоғро булып ҡала.

Педагогик оҫталыҡ бәйгеһендә еңеүселәрҙе һәм лауреаттарҙы тәбрикләү тантанаһы шишәмбе, 9 апрелдә, Өфөлә үтте. Быйыл ул 23-сө таҡыр үткәрелде. Төп конкурстан тыш, иң яҡшы рус теле һәм әҙәбиәте, шулай уҡ татар теле һәм әҙәбиәте уҡытыусылары билдәләнде. Быйыл бәйгелә 116 педагог ҡатнашты.

Конкуста ҡатнашыусыларҙы һәм еңеүселәрҙе БР Хөкүмәте Премьер-министры урынбаҫары Лилиә Ғүмәрова һәм Башҡортостандың мәғариф министры Әлфис Ғаязов сәләмләне.

Тәбрикләү тантанаһы айырым награда тапшырыуҙан башланды. Ҡариҙел районы Арҡауыл ауылының урта дөйөм белем биреү мәктәбенән 30 йыллыҡ стажы булған география уҡытыусыһы Татьяна Окунцева В.Сухомлинский исемендәге «Йөрәгемде балаларға бирәм» миҙалына лайыҡ булды.

«Башҡортостандың йыл уҡытыусыһы-2013» республика конкурсы еңеүсеһе тип Стәрлетамаҡ ҡалаһының 3-сө башҡорт лицей-интернатынан информатика уҡытыусыһы Луиза Мырҙаҡаева танылды. Туймазы ҡалаһының 1-се мәктәп-интернатынан уның коллегаһы Зинфира Нурсиламоваға иң яҡшы татар теле һәм әҙәбиәте уҡытыусыһы исеме бирелде.

Барлыҡ еңеүселәр «БР мәғариф отличнигы» исеменә һәм аҡсалата премияларға лайыҡ булды.

«Башҡортостандың йыл уҡытыусыһы-2013» бәйгеһенең абсолют еңеүсеһе Оксана Шәрәфетдинованы көҙ көнө йәнә бер һынау көтә. Ул республика исеменән «Рәсәйҙең йыл уҡытыусыһы» конкурсында ҡатнашасаҡ.

1 из 20

#мәғариф #конкурстар #башҡортостандың йыл уҡытыусыһы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.