Төбәктә «Шәжәрә-2013» республика конкурсы старт алды

Арина Рәхимҡолова

Башҡортостандың барлыҡ ҡала һәм райондарында ағымдағы йылдың 1 апреленән 15 авгусына тиклем «Шәжәрә-2013» республика конкурсы үтәсәк. Тейешле бойороҡҡа БР мәҙәниәт министры Әминә Шафиҡова ҡул ҡуйҙы. Халыҡ байрамы өс этапта үткәрелә. Унда ойоштороу комитетына заявка биргән һәм шәжәрәһен тәҡдим иткән һәр кеше ҡатнаша ала.

Бәйге биш номинацияла үткәрелә: «Шәжәрәне ентекле өйрәнгән өсөн», «Иң тәрән тамырлы шәжәрә өсөн», «Шәжәрәне өйрәнеү һәм төҙөү барышында ғилми яңылыҡ өсөн», «Шәжәрә биҙәүҙә үҙенсәлелек һәм ижади ҡараш өсөн», «Шәжәрә төҙөгәндә һәм уның презентацияһын үткәргәндә заманса мультимедия программаларын ҡулланған өсөн».

БР Мәҙәниәт министрлығы мәғлүмәте буйынса, беренсе этап сиктәрендә заявканы һәм материалды район (ҡала) комиссияларына тапшырырға кәрәк. Материалдар 1 апрелдән 25 майға тиклем ҡабул ителә.

Конкурстың икенсе этабы 1 июндән 30 июлгә тиклем үтә. Район комиссиялары Республика ойоштороу комитетына һайлап алынған материалдарҙы тәҡдим итәсәк. Һәр номинацияла тик берәр шәжәрә булырға тейеш.

Өсөнсө этап конкурста еңеүселәрҙең «Шәжәрә байрамы» республика халыҡ байрамында ҡатнашыуын күҙ уңында тота. Сара 29 сентябрҙә Ҡырмыҫҡалы районында үтә.

Байрам сиктәрендә түңәрәк өҫтәлдәр, тарихи урындар буйлап экскурсиялар, үҙешмәкәр артистарҙың сығыштарын, биҙәү-ғәмәли сәнғәт күргәҙмәләрен, халыҡ оҫталарының изделиелары йәрминкәһен ойоштороу ҡаралған.

Конкурс шарттары тураһында тулыраҡ мәғлүмәт БР Мәҙәниәт министрлығының рәсми сайтына урынлаштырылған.

#милли йолалар #шәжәрә #конкурстар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.