Башҡортостан Силәбе өлкәһе менән социаль һәм иҡтисади өлкәләрҙә хеҙмәттәшлеген нығыта

Силәбе өлкәһенең Үрге Урал ҡалаһында тәүгә Башҡортостан Республикаһының Учалы районы делегацияһы менән осрашыу үткәрелде. Сарала БР Учалы районы менән Силәбе өлкәһенең Үрге Урал районы араһында хеҙмәттәшлек итеү тураһында килешеү төҙөлдө.

Осрашыу Башҡортостандың Силәбе өлкәһендәге вәкиле Амур Хәбибуллин ярҙамы менән ойошторолдо. Уның һүҙҙәренсә, килешеүгә ҡул ҡуйыу сауҙа-иҡтисади, мәҙәни, социаль өлкәләрҙә ике райондың үҙ-ара килешеп эш итеүен яңы кимәлгә күтәрәсәк.

— Беҙҙе күп нәмә берләштерә, - тине Учалы районы хакимиәте башлығы Фәрит Дәүләтгәрәев. – Ике районда урынлашҡан сәнәғәт предприятиелары, шулай уҡ мәҙәниәт, спорт, һаулыҡ һаҡлау өлкәләрендә булған уртаҡ мәсьәләләр беҙҙе берләштергән йүнәлештәр булып тора. Үҙ-ара хеҙмәттәшлек итеү күп мөмкинлектәр аса.

Башҡортостан вәкилдәре докладтар тыңланы, шулай уҡ ҡаланың тарихи объекттарында булды, уның тарихи үткәне менән танышты.

Үрге Урал вәкилдәре бындай осрашыуҙарҙың ике яҡ өсөн дә үтә мөһим булыуын билдәләне һәм Башҡортостанға яуап визит менән килергә һүҙ бирҙе, тип хәбәр итте Башҡортостан Республикаһының Силәбе өлкәһендәге Даими вәкиллеге матбуғат секретары Михаил Хәбиров.

Автор:Арина Рәхимҡолова

Теги:башҡорттар төбәктәрҙә төбәк-ара хеҙмәттәшлек

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».