Баш ҡаланың Матбуғат йортонда «Журналистарҙың Хәрби дан стенаһы» асыласаҡ

Алик Шакиров

Оҙаҡламай Бөйөк Ватан һуғышында Еңеүгә 70 йыл тула. Республика журналистары был мөһим датаны билдәләүгә әүҙем әҙерләнә башланы. Башҡортостан Республикаһы Журналистар союзының һәм Журналистика ветерандары (пенсионерҙары) берлегенең ҙур байрамға әҙерлек һәм уны лайыҡлы ҡаршылау буйынса планы әҙерләнгән. БР Журналистар союзынан хәбәр итеүҙәренсә, документ эшмәкәрлектең төрлө өлкәләренә ҡағыла: Бөйөк Ватан һуғышы ветерандары һәм уларға тиңләштерелгән тыл ветерандары булған журналистарҙың көнкүрешен тикшереү, уларға матди ярҙам күрһәтеү; журналистика ветерандарының йәш быуын вәкилдәре менән осрашыуҙарын ойоштороу; Бөйөк Ватан һуғышында ҡатнашҡан журналистарҙың хәтирәләренән торған буклет әҙерләү; Бөйөк Ватан һуғышында һәләк булған журналистарға арналған мемориалдарҙы тергеҙеү; республика баҫмалары редакцияларында журналистика ветерандарының фоторәсемдәренән торған галереялар булдырыу; мәктәп уҡыусылары араһында Бөйөк Ватан һуғышы темаһын яҡтыртыуға ижади конкурс ойоштороу; журналистика ветерандары өсөн «Зәңгәр ут» үткәреү.

Поклонная тауында урынлашҡан музейҙа 1941-1945 йылдарҙағы Бөйөк Ватан һуғышында һәләк булған «Журналистарҙың Хәтер китабы» һаҡлана. Китапта һуғышта һәләк булған 564 журналистың исеме теркәлгән. Әммә был исемлектә Башҡортостандан бер генә вәкил дә юҡ. Ошо сәбәпле БР Журналистар союзы исеменә Рәсәй Журналистар союзы рәйесе Всеволод Богдановтан һәм РФ Журналистар союзының Ветерандар берлеге советы етәкселәренән хат килде.

БР Журналистар союзы һәм Журналистика ветерандары берлеге республиканың барлыҡ журналистар ойошмаларына Бөйөк Ватан һуғышында һәләк булған хеҙмәттәштәренең исемдәрен дөрөҫләү үтенесе менән мөржәғәт итте. Ошо рәүешле төҙөлгән дөйөм исемлекте Мәскәүгә РФ Журналистар союзының Ветерандар берлеге советына ебәреү планлаштырыла.

Шулай уҡ Өфөнөң Матбуғат йортонда урынлашҡан һәйкәлде реставрациялау һәм, һуғышта һәләк булған журналистарҙың тулы исемлеген иҫәпкә алып, «Журналистарҙың Хәрби дан стенаһы» исемле мемориаль таҡтаташ асыу планлаштырыла.

#еңеү көнө #хәтер #бр журналистар союзы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.