Кесе йома, 16 Апрель 2026

Өфө

+6 °С

Главное Иҡтисад Йәмғиәт Лонгрид Мәҙәниәт Сәйәсәт Спорт Хәл-ваҡиғалар

|Последние новости

Главная/Йәмғиәт

05:22 (UTC+5), 02 Апрель 2013

Өфөлә «Башҡортостандың йыл уҡытыусыһы – 2013» конкурсы старт алды

Эльмира Сабирова

Дүшәмбе, 1 апрелдә, Башҡортостан Республикаһы Мәғарифты үҫтереү институтында «Башҡортостандың йыл уҡытыусыһы — 2013» педагогик оҫталыҡ конкурсы старт алды. Быйыл 23-сө тапҡыр үткәрелгән бәйгелә 57 уҡытыусы ҡатнаша.

Конкурс форматы педагогтың эшмәкәрлегенә күп этаплы экспертиза үткәреүҙе күҙ уңында тота. Үҙең менән таныштырыу, асыҡ дәрестәр, проблемалы лекциялар, оҫталыҡ дәрестәре, фекер алышыуҙар – был һынауҙарҙың барыһында ла уҡытыусының профессионализмы, тәжрибәһе, педагогик белеме мөһим.

Бәйгелә ҡатнашыусыларҙы сәләмләп, Башҡортостандың мәғариф министры Әлфис Ғаязов конкурстың маҡсаты иң яҡшы уҡытыусыны һайлап алыуҙа ғына булмауын билдәләне.

— Әлеге ярыштар барышында уҡытыусыларыбыҙҙың инновацион тәжрибәһен, ҡыҙыҡлы эшләнмәләрен асыҡлау, тәжрибә уртаҡлашыу мөмкинлеге тыуа. Башҡортостандың мәғариф системаһын артабан үҫтереү беҙҙең төп маҡсат булып тора. Быларҙың барыһын да балалар өсөн, киләсәгебеҙ өсөн эшләйбеҙ, - тине ведомство башлығы.

Жюри рәйесе – М.Аҡмулла исемендәге Башҡорт дәүләт педагогия университеты ректоры, профессор Раил Әсәҙуллин. Эксперттар иҫәбендә БР Мәғариф министры урынбаҫары Владимир Аристархов, БР Мәғарифты үҫтереү институты ректоры Рәмил Мәзитов, Өфөнөң 39-сы гимназияһы директоры Ирина Кейекбаева, Өфөнөң 110-сы урта дөйөм белем биреү мәктәбе директоры, башланғыс кластар уҡытыусыһы, «Башҡортостандың йыл уҡытыусыһы – 2012» конкурсында еңеүсе Лимма Сержанина һәм башҡалар бар.

Өҫтәп китәйек, конкурс сиктәрендә шулай уҡ иң яҡшы рус теле һәм әҙәбиәте уҡытыусыһы, иң яҡшы татар теле һәм әҙәбиәте уҡытыусыһы билдәләнәсәк. Был ярыштарҙа шул тәртиптә 40 һәм 22 педагог ҡатнашасаҡ.

1 из 14

#мәғариф #конкурстар #башҡортостандың йыл уҡытыусыһы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.