Радик Гәрәев исемендәге III Асыҡ вокалсылар конкурсында еңеүселәр билдәләнде

Әлим Фәйезов

Яңауыл районында Рәсәйҙең һәм Башҡортостандың халыҡ артисы, халыҡ-ара, бөтә Рәсәй конкурстары лауреаты, Ғәлимов Сәләм исемендәге республика премияһы лауреаты Радик Гәрәев исемендәге III Асыҡ вокалсылар конкурсы үтте, тип хәбәр ителә «Башҡортостандың мәҙәни донъяһы» интернет-порталында.

Бәйгелә Башҡортостандың төрлө ҡала һәм райондарынан йәмғеһе 49 солист ҡатнашты. Улар икешәр әҫәр – халыҡ һәм эстрада йырҙарын башҡарҙы. Йырҙарҙың береһе Радик Гәрәев репертуарынан булырға тейеш ине.

Һөҙөмтәлә вокалсылар конкурсы Гран-прийын Краснокама районынан Ринат Сәлихйәнов яуланы. Уға 100 мең һум күләмендә аҡсалата приз тапшырылды.

Беренсе дәрәжә дипломдарға түбәндәге солистар лайыҡ булды: 12-16 йәштәгеләр араһында – Тимерлан Хәлитов (Нефтекама ҡалаһы); 17-35 йәштәгеләр араһында – Айҙар Хәйруллин (Өфө ҡалаһы), Дамир Таипов (Өфө ҡалаһы); 36 йәштән олораҡтар араһында – Ришат Вәхитов (Күмертау ҡалаһы).

Шулай уҡ төрлө номинацияларҙа еңеүселәр билдәләнде. Шулай итеп, «Өмөт» номинацияһында — Елисей Лаптев (Өфө ҡалаһы), Илья Морозов (Өфө ҡалаһы); «Сәхнә оҫталығы» номинацияһында — Әлиә Рәшитова (Яңауыл районы); «Башҡарыу үҙенсәлеге өсөн» номинацияһында — Рәмил Хәсәнов (Тәтешле районы); «Халыҡ йырын иң яҡшы башҡарған өсөн» номинацияһында — Руслан Халиков (Балтас районы); «Тамашасы һөйөүе призы»на — Валерий Синёв (Ағиҙел ҡалаһы); «Һөнәргә тоғролоҡ өсөн» номинацияһында — Айгиз Ханов (Салауат районы); «Конкурстың иң йәш ҡатнашыусыһы» призына — Гүзәлиә Башарова (Тәтешле районы, 12 йәш); «Радик Гәрәев репертуарынан иң яҡшы башҡарылған йыр өсөн» номинацияһында — Илнар Шәрәфетдинов (Илеш районы) еңеү яуланы. Яңауыл районынан 66 йәшлек Мәмдүҙә Хәлморатова иң өлкән ҡатнашыусы булды.

Башҡорт дәүләт опера һәм балет театры хорының сығышы байрамға тағы ла йәм өҫтәне.

#конкурстар #радик гәрәев

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.