Башҡортостанда утыҙ район дауаханаһы яңы ашығыс ярҙам машиналары алды

Ольга Мортазина

Утыҙ яңы машина бөгөн район дауаханаларына юл алды. Ашығыс медицина ярҙамы машинаһының берәүһе 2,8 миллион һум тора, уларҙың дөйөм хаҡы 84 миллион һум тәшкил итте, тип хәбәр иттеләр Башҡортостандың һаулыҡ һаҡлау министрлығынан. 27 февралдә Республика балалар клиник дауаханаһының яңы диагностика үҙәгендә үткән кәңәшмәлә Башҡортостан Президенты машиналарҙы район үҙәктәренә тиҙ арала еткереү кәрәклеге хаҡында әйткәйне.

«Һаулыҡ һаҡлау системаһын яңыртыу программаһын тормошҡа ашырыу барышында ҡайһы бер средстволар артып ҡалды. Шул иҫәпкә 30 ашығыс ярҙам машинаһы һатып алынды. Улар реанимацион ҡорамалдар менән йыһазландырылған. Машиналар үҙәк район дауаханаларына тапшырыласаҡ. Тимәк, төпкөл ауылдарҙа ла реанимация автомобилдәре буласаҡ. Был машиналарҙы район үҙәктәренә тиҙерәк бирергә кәрәк», — тигәйне Рөстәм Хәмитов.

Шул уҡ кәңәшмәлә республика башлығы хәбәр итеүенсә, Башҡортостан өсөн «Сәләмәтлек үҙәге», «Ҡатын-ҡыҙҙар сәләмәтлеге» күсмә медицина модулдәре һәм балалар өсөн диагностика комплестары һатып алына. «Һәр машина 16 миллион һум тора. Улар ҙа заманса аппаратура менән йыһазландырылған», — тип аңлатты Президент.

БР Һаулыҡ һаҡлау министрлығының матбуғат хеҙмәтенән хәбәр итеүҙәренсә, йәмғеһе 18 күсмә модуль һәм 53 ашығыс медицина ярҙамы машинаһы һатып алыу планлаштырыла. 2011 йылдан алып Башҡортостан дауаханаларына 143 берәмек махсус техника йүнәлтелгән.

1 из 8

#һаулыҡ һаҡлау

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.