«Шүлгәнташ» ҡурсаулығында Көньяҡ Урал мәмерйәләрен һаҡлау мәсьәләләре тикшереләсәк

Көньяҡ Урал мәмерйәләрен һаҡлау һәм рациональ файҙаланыу мәсьәләләре 1-3 мартта Бөрйән районында беренсе фәнни-ғәмәли семинарҙа тикшереләсәк. Уны ойоштороусылар булып «Шүлгәнташ» дәүләт тәбиғәт ҡурсаулығы, БР Тәбиғәттән файҙаланыу һәм экология министрлығы ҡарамағындағы мәмерйәләрҙе һаҡлау һәм райиональ файҙаланыу буйынса эш төркөмө, Урал төбәгенең Спелеологтар ассоциацияһы, республиканың Спелеология һәм спелеотуризм федерацияһы сығыш яһай.

Семинарҙа «Башҡортостан Уралы» биосфера резерваты составына ингән айырыуса һаҡланған тәбиғәт территорияларының 40-ҡа яҡын хеҙмәткәре, спелеологтар ҡатнашасаҡ.

«Башинформ» агентлығына «Шүлгәнташ» ҡурсаулығы белгесе Ольга Червяцова хәбәр итеүенсә, Башҡортостан вәкилдәренән тыш, семинарҙа Свердловск, Ырымбур, Ленинград өлкәләренән һәм Пермь крайынан белгестәр ҡатнашасаҡ.

Семинар программаһында ғилми-популяр лекциялар, тематик экскурсиялар, шулай уҡ мәмерйә биләмәһен сүп-сарҙан таҙартыу буйынса саралар ҡаралған.