92.05
+0.27
Башҡортостан һәм Өфө яңылыҡтары
98.64
+0.62
84.01
+0.34
3+ °C
Болотло
Бөтә яңылыҡтар
Йәмғиәт
11 Февраль 2013, 10:54
Республика Хөкүмәтендә һаулыҡ һаҡлау һәм мәғариф мәсьәләләре буйынса селектор кәңәшмәһе үтте
БР Хөкүмәте Премьер-министры урынбаҫары Лилиә Ғүмәрова муниципаль берәмек башлыҡтары менән селектор кәңәшмәһе үткәрҙе. Сарала ҡатнашыусылар демография мәсьәләләрен һәм уларҙы хәл итеү юлдарын тикшерҙе.
Дөйөм алғанда демографик күрһәткестәр буйынса ыңғай динамика күҙәтелә. Яҡынса мәғлүмәттәр буйынса, 2012 йылда тыуым 5,1 процентҡа артҡан, үлем 2,2 процентҡа кәмегән, халыҡтың тәбиғи артыуы 5,6 мең кеше тәшкил иткән.
Хакимиәт башлыҡтарына мөрәжәғәт итеп, Лилиә Ғүмәрова яҡшы һөҙөмтәләр нигеҙендә социаль фактор ятыуын билдәләне. Шуға күрә урындағы властарға социаль ауырыуҙарҙы иҫкәртеү, имен булмаған ғаиләләрҙе асыҡлау буйынса эшмәкәрлекте көсәйтеү зарур.
Архангел районы башлығы Александр Комзалов билдәләүенсә, сабыйҙар үлеменең 95 проценты ғаиләләге проблемаларға бәйле. Ғафури районы башлығы Рәмил Бохаров һүҙҙәренсә, ғаилә уңышһыҙлығының төп сәбәбе - ата-әсәнең эсеүендә.
Шуға күрә Лилиә Салауат ҡыҙы имен булмаған ғаиләләрҙе асыҡлау алгоритмын әҙерләп, муниципаль кимәлдә был мәсьәләне һөҙөмтәле хәл итеү зарурлығын билдәләне. Эскән ата-әсәләр менән эшләү алымдары Ғафури районында күсмә кәңәшмәлә тикшереләсәк.
Кәңәшмәлә шулай уҡ һаулыҡ һаҡлау мәсьәләләре, атап әйткәндә, бушлай медицина хеҙмәттәре күрһәтеү һәм «Земство табибы» программаһын тормошҡа ашырыу буйынса һорауҙар тикшерелде.
Программа хаҡында һүҙ йөрөтөп, вице-премьер быйыл 270 йәш табиптың ауыл ерендә эшләргә теләк белдереүе хаҡында әйтте. Программаны ҡушып финанслау тәртибендә средстволар федераль һәм республика бюджеттарынан йәлеп ителәсәк.
Вице-премьер һүҙҙәренсә, урындарҙа тейешле шарттар булдырмайынса тороп, аҡса менән генә белгестәрҙе ауылда тотоп булмаясаҡ. Тәү сиратта был торлаҡ менән тәьмин итеү йәки ер бүлеү мәсьәләһенә ҡағыла. Шулай уҡ йәштәргә социаль мәсьәләләрҙе, атап әйткәндә, бала баҡсаларында урындар бүлеү, торлаҡ-коммуналь хужалыҡ хеҙмәттәре өсөн түләү буйынса ташламалар булдырыу кеүек һорауҙарҙы хәл итеүҙә ярҙам күрһәтергә кәрәк.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».