Краснокама районында ике бала баҡсаһы асылды

Арина Рәхимҡолова

Краснокама районында ике бала баҡсаһы асылды. Николо-Березевка ауылында 110 урынға иҫәпләнгән «Ҡояшҡай» исемле яңы бала баҡсаһы төҙөлһә, Ҡарый ауылында 35 урынлыҡ «Торнаҡай» бала баҡсаһы реконструкцияланған.

Мәктәпкәсә белем биреү учрежениеларын асыу тантанһында район хакимиәте башлығы Рәзиф Ғилмуллин үткәрелгән сараларҙың райондың ҙур ауылдарында бала баҡсалыранда урындар етешмәү мәсьәләһен тулыһынса хәл итәсәгенә ышанысын белдерҙе.

«Ҡояшҡай» бала баҡсаһын төҙөү «Башҡортостан Республикаһында мәктәпкәсә белем биреү системаһын үҫтереү» респубика маҡсатлы программаһына индерелгәйне. Республика етәкселеге был маҡсаттарға районға 70 миллион һумдан ашыу аҡса йүнәлткән. Төҙөлөштө ваҡытында финанслау, төҙөүселәр һәм подрядсыларҙың намыҫлы эшләүе арҡаһында, шулай уҡ район предприятиелары һәм учреждениелары коллективтары, хакимиәт бүлектәре ярҙамында объект билдәләнгән ваҡыт эсендә һәм сифатлы төҙөлгән.

Бала баҡсаһы квалификациялы кадрҙар менән тәьмин ителгән. Мөдир Гөлнара Выгузова етәкселеге аҫтында бында 40-тан ашыу тәжрибәле педагог эшләйәсәк. Учреждение матди-техник йәһәттән дә юғары кимәлдә йыһазландырылған: уңайлы мебель, заманса уйындар, техника һатып алынған. Бинала райондың мәктәпкәсә белем биреү учреждениелары араһында тәүге компьютер класы асылған. Спорт залы заманса инвентарь менән йыһазландырылған. Саф һауала дәрестәр үткәрү өсөн шулай уҡ бала баҡсаһы биләмәһе төҙөкләндерелгән.

#урындағы үҙидара #бала баҡсаһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.