Баш ҡалала Роман Виктюк театрының гастролдәре ҙур уңыш менән үтте

Алик Шакиров

Өфөнөң «Нефтсе» мәҙәниәт һарайында Роман Виктюк театрының гастролдәре тамамланды. Мәскәүҙән килгән артистар тамашасыға Эрик-Эммануэль Шмиттың «Дон Жуандың һуңғы һөйөүе» («Последняя любовь Дон Жуана»), Азат Абдуллиндың «Сит яҡтағы баҡса» («Нездешний сад») спектаклдәрен һәм Михаил Кузминдың «Итекле бесәй» («Кот в сапогах») әкиәтен тәҡдим итте.

Өфөлөләр өсөн күренекле яҡташыбыҙ, донъя кимәлендә танылыу яулаған бейеүсе Рудоль Нуриев тураһындағы спектакль айырыуса көтөп алынған ваҡиға булды. Уның исеме балет тарихында үҙенсәлекле символға әүерелде. Ҡасандыр Роман Виктюк Рудольф Нуриевҡа уның тураһында спектакль ҡуйырға һүҙ бирә. Режиссер драматург Азат Абдуллиндың «Сит яҡтағы баҡса» пьесаһына мөрәжәғәт итеп, вәғәҙәһендә тора.

Бөйөк Рудоль Нуриев тураһындағы пьеса сюжетына таянып, режиссер бейеүсенең яҙмышы, уның йәмғиәт һәм үҙе менән ҡатмарлы һәм ауыр мөнәсәбәттәре тураһында спектакль ҡуя. Бейеүсенең әсәһе менән һөйләшеүе, балет труппаһы һәм танылған Марго Фонтейн менән осрашыуы, спектаклдән һуң эмоциональ бушлыҡ кисереүе, яңғыҙлыҡты тойоуы, күңеле тартҡан кешеһен эҙләп һыҙланыуҙары – быларҙың барыһы ла пьесала сағылыш таба.

Әйткәндәй, Роман Виктюктың әлеге спектакле – һуңғы 20 йылда баш ҡала режиссеры милли драматург ижадына мөрәжәғәт иткән тәүге осраҡ. Мостай Кәрим, Флорид Бүләков менән бергә Азат Абдуллин республиканан ситтә танылыу яулаған берҙән-бер башҡорт драматургтары булып тора.

Спектакль ҙур аншлаг менән үтте. Сараға пьеса авторының яҡташтары, туғандары һәм дуҫтары килде. Спектакль һуңынан Азат Абдуллин яҡташтарына, театр артистарына, айырыуса төп ролде башҡарыусы Рәсәйҙең халыҡ артисы Дмитрий Бозинға рәхмәтен белдерҙе.

1 из 2

#гастролдәр #роман виктюк театры #азат абдуллин

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.