Среда, 15 Апреля 2026

Уфа

+8 °С

Главное Иҡтисад Йәмғиәт Лонгрид Мәҙәниәт Сәйәсәт Спорт Хәл-ваҡиғалар

|Последние новости

Главная/Йәмғиәт

08:12 (UTC+5), 05 Февраля 2013

Рөстәм Хәмитов Стәрлетамаҡ районының Ҡуғанаҡ балалар йортонда булды

Людмила Терновая

Стәрлетамаҡ районына бөгөнгө эш сәфәре барышында республика Президенты Рөстәм Хәмитов Оло Ҡуғанаҡ ауылында урынлашҡан балалар йортонда булды. Элегерәк был учреждение бала баҡсаһы булған, әммә 2001 йылда үҙгәртеп ҡоролған.

Ата-әсә ҡарауынан мәхрүм ҡалған һәм етем балалар өсөн белем биреү учреждениеһында 32 хеҙмәткәр эшләй, уларҙың 16-һы – педагог. Бөгөнгө көндә бында 30 бала тәрбиәләнә. 15 бала патронат тәрбиәгә алынған.

Һәр төркөмдә алты-һигеҙ бала шөғөлләнә. Бүлмәләр мебель һәм ҡорамалдар менән йыһазландырылған. Заманса аудио- видеотехника, башҡа төр аппаратура бар. Балалар өсөн душ бүләмәләре, тренажер һәм компьютер залдары, массаж кабинеты эшләй.

Төркөмдәрҙең береһендә малайҙар һәм ҡыҙҙар Президентҡа үҙҙәре ижад иткән шиғырҙарҙы һөйләп ишеттерҙе. Йыйылыштар залында Башҡортостан Президенты балалар йортонда тәрбиәләнеүселәр менән яһалған эштәр күргәҙмәһен ҡараны. Экспонаттарҙың береһен – аҡ сәскә гөлләмәһен – балалар Рөстәм Хәмитовҡа бүләк итте. Шулай уҡ бәләкәй артистар ҙур булмаған концерт ойошторҙо.

Башҡортостан Президенты балалар йортона ҙур плазмалы телевизор тапшырып, йылы ҡабул иткәндәре өсөн рәхмәт әйтте.

Балалар йорто 1987 йылда төҙөлгән ике ҡатлы бинала урынлашҡан. Уға капиталь ремонт эшләнгән, 2006 йылда һыу менән тәьмин итеү системаһы яңыртылған. Учреждение ҡарамағында «ГАЗель» микроавтобусы һәм ике еңел автомобиль бар.

Бында тәрбиәләнеүселәр төрлө кимәлдәге конкурс, фестиваль, смотрҙарҙа ҡатнаша. Шулай итеп, театр студияһы Мәскәүҙә үткәрелгән «Йондоҙлоҡ» бөтә Рәсәй балалар художестволы ижады конкурсында еңеү яулаған. Балалар йорто командаһы Волга буйы федераль округының «Бала саҡ йондоҙҙары» балалар ижады конкурсы гала-концертында ҡатнашыу өсөн һайлап алынған, шулай уҡ республиканың көньяҡ төбәктәрендә урынлашҡан бала йорттары араһында балалар ижады фестивалендә еңеүгә лайыҡ булған. Бынан тыш, малайҙар һәм ҡыҙҙар район кимәлендә үткәрелгән фәнни-ғәмәли конференцияларҙа, фестиваль-конкурстарҙа әүҙем ҡатнашып, призлы урындар яулай.

1 из 14

#бр президентының эш сәфәрҙәре #балалар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.