Лилиә Ғүмәрова мәғариф тураһындағы яңы закон хаҡында һөйләне

Эльмира Сабирова

Мәғариф тураһындағы яңы закон ҡабул ителгәндән һуң, белем биреү системаһына индереләсәк үҙгәрештәр хаҡында республика журналистарына «Башинформ» агентлығында 22 ғинуарҙа БР Хөкүмәте Премьер-министры урынбаҫары Лилиә Ғүмәрова һәм БР мәғариф министры Әлфис Ғаязов һөйләне.

Яңы законға Владимир Путин үткән йылдың декабрь аҙағында ҡул ҡуйҙы. Документ «Мәғариф тураһында»ғы (1992 г.) һәм «Юғары һәм юғары уҡыу йортонан һуң һөнәри белем биреү тураһында»ғы (1996 г.) ике элекке законды алмаштырасаҡ.

— Мәғариф тураһындағы яңы закон хаҡында төрлө имеш-мимештәр тарала башланы. Беренсенән, белем алыу түләүле була, тигән фекер әүҙем пропагандаланды. Бөгөн тулы яуаплылыҡ менән әйтә алабыҙ: түләүле белем алыу хаҡында бөтөнләй һүҙ бармай. Унан да бигерәк, мотлаҡ дәүләт белем биреү хеҙмәттәре исемлеге буйынса стандарттар, элекке ҡануниәт менән сағыштырмаса, күпкә киңәйтелде,- тип билдәләне Лилиә Ғүмәрова.

Матбуғат конференцияһында ҡатнашыусылар фекеренсә, әлеге законды ҡабул итеү – заман талабы. Мәғариф тураһындағы яңы документ өҫтөндә эш бер нисә йыл дауамында алып барылды. Уға 1400-ҙән ашыу төҙәтмә, шул иҫәптән Башҡортостандан бер нисә тәҡдим индерелде. Атап әйткәндә, педагогтарға социаль ярҙам тураһындағы пункт. Уға ярашлы, торлаҡ-коммуналь хеҙмәттәр өсөн түләү буйынса ауыл ерендә эшләгән уҡытыусылар өсөн субъект ташламалар билдәләй ала. Бынан тыш, дәүләт телдәрендә белем алыу мөмкинлеге тураһындағы һорау хуплау тапты.

Башланғыс һәм урта һөнәри белем биреү темаһы ла иғтибарҙан ситтә ҡалманы. Урта һөнәри белем биреү сиктәрендә хәҙер ике төр белем биреү программаһы ҡаралған. Улар – квалификациялы эшселәр әҙерләү һәм урта звенолағы белгестәр әҙерләү, тип билдәләне Лилиә Ғүмәрова. Бындай уҡыу йорттарына студенттар ҡабул иткәндә, эш тәҡдим итеүселәрҙең заявкалары иҫәпкә алынасаҡ. Тимәк, уҡыу йортон тамамлағандан һуң, йәш белгестәрҙең эшкә урынлашыу проблемаһы килеп тыумаясаҡ. Шуға күрә һөнәри урта звено производство секторы менән үҙ-ара тығыҙ эш итергә тейеш.

Әммә, Әлфис Ғаязов хәбәр итеүенсә, ҡайһы бер башланғыс һөнәри белем биреү училищелары ҡыҫҡартыласаҡ, айырым берәүҙәре урта һөнәри белем биреү учреждениелары менән берләштереләсәк.

— Үткән йылдың аҙағында республикала 88 – башланғыс һөнәри белем биреү, 77 урта һөнәри белем биреү учреждениеһы иҫәпләнде. 2012 йылда беҙҙең ҡарамаҡҡа йәнә 20 урта һөнәри белем биреү учреждениеһы тапшырылды.

Шулай уҡ матбуғат конференцияһында билдәләнеүенсә, әлеге ваҡытта Башҡортостанда мәғариф тураһындағы республика законын булдырыу буйынса эш төркөмө эшләй. Был документ киң йәмәғәтселеккә тикшереүгә тәҡдим ителәсәк. Шул уҡ ваҡытта яңы федераль закондың төп положениелары 2013 йылдың 1 сентябрендә үҙ көсөнә инәсәк.

1 из 6

#ҡануниәт #мәғариф

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.