Өфө VI Ҡышҡы халыҡ-ара балалар уйындарында ҡатнашыусыларҙы ҡабул итергә әҙер

Дмитрий Слезин

— Өфө VI Ҡышҡы халыҡ-ара балалар уйындарына ҙур яуаплылыҡ менән әҙерләнә һәм бөгөндән үк сарала ҡатнашасаҡ спортсыларҙы ҡабул итергә әҙер! – тине Халыҡ-ара балалар уйындары комитетының генераль секретары Ричард Смит Мәскәүҙә, Башҡортостандың Рәсәй Президенты ҡармағындағы Тулы хоҡуҡлы вәкиллегендә үткән федераль киң мәғлүмәт саралары ҡатнашлығындағы матбуғат конференцияһында.

«Халыҡ-ара балалар уйындары комитеты президенты Торстен Раш етәкселегендәге техник комиссия составында беҙ ярыштар үтәсәк дүрт спорт объектын ҡарап сыҡтыҡ һәм уларҙың Уйындарҙы ҡабул итергә әҙер булыуына инандыҡ», — тип өҫтәне Ричард Смит.

Халыҡ-ара балалар уйындарының Өфөләге Дирекцияһы етәксеһе Сергей Степанов бындай мөһим спорт форумын ҡабул итеү республика өсөн оло хөрмәт булыуын билдәләне. Ярыштарҙан тыш, балаларҙы ҡыҙыҡлы күңел асыу программаһы көтә, тип иҫкә төшөрҙө ул. Спортсылар йәшәйәсәк «Йәшел сауҡалыҡ» шифаханаһында йәштәр өсөн дискотека, төрлө уйындар ойоштороласаҡ, тренажер залы, бассейн һәм һырғалаҡ эшләйәсәк.

БР йәштәр сәйәсәте һәм спорт министры Андрей Иванюта билдәләүенсә, донъяның төрлө илдәренән йәштәр ҡатнашлығындағы бындай спорт саралары уларҙы берләштереүгә булышлыҡ итә. Был Уйындар 12-15 йәшлек үҫмерҙәргә дуҫлашып, артабан да аралашып йәшәргә мөмкинселек бирәсәк.

Матбуғат конференцияһында РФ Дәүләт Думаһы депутаты Рима Баталова ла ҡатнашты. «Был Уйындарҙа тамашасы булараҡ һаулыҡ мөмкинлектәре сикләнгән балалар ҙа ҡатнашырға тейеш. Улар өсөн дә тиҫтерҙәренең уйынын ҡарау ҡыҙыҡлы буласаҡ», - тип билдәләне күп тапҡыр Паралимпия уйындары чемпионы.

VI Ҡышҡы халыҡ-ара балалар уйындарында ете спорт төрө ҡаралған. Ярыштарҙа Рәсәйҙең 30 ҡалаһынан һәм донъяның 20 иленән йәмғеһе 800-гә яҡын спортсы ҡатнашасаҡ. 2013 йылғы Халыҡ-ара балалар уйындары башланыуға бер айҙан аҙ ғына ашыуыраҡ ваҡыт ҡалды.

#халыҡ-ара балалар уйындары #өфө-2013

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.