Өфөлөләр бөтә Рәсәй форумында социаль етемлекте иҫкәртеү тәжрибәһе менән уртаҡлашты

Эльмира Сабирова

Өфө хакимиәтенең Опека һәм попечителлек буйынса идаралығы белгестәре Мәскәүҙә бөтә Рәсәй конференцияһында социаль етемлекте иҫкәртеү өлкәһендә ведомство-ара килешеп эш итеү системаһын булдырыу буйынса хеҙмәттәштәре менән тәжрибә уртаҡлашты.

Өфөнән сарала Идаралыҡ начальнигы Руслан Хәбибов, уллыҡҡа алыу һәм балаларҙы ғаиләләргә биреү буйынса бүлек начальнигы Елена Макушина сығыш яһаны.

Конференция эшендә Рәсәй Федерацияһының 39 төбәгенән дәүләт учреждениелары һәм социаль йүнәлештәге коммерцияға ҡарамаған ойошмалар етәкселәре һәм белгестәре – йәмғеһе 200 кеше, шулай уҡ РФ Бала хоҡуҡтары буйынса вәкил аппараты, РФ Кеше хоҡуҡтары буйынса вәкил аппараты, РФ Дәүләт Думаһы, РФ Хөкүмәте вәкилдәре ҡатнашты.

Форум барышында йәш балалы ғаиләләргә ярҙам итеү системаһын үҫтереү, ғаилә һәм бала хоҡуҡтарын норматив-хоҡуҡи яҡтан тәьмин итеү, заманса технологиялар һәм хеҙмәттәр индереү, йәш балалы ғаиләләргә ярҙам итеү өлкәһендә белгестәргә мәғлүмәти-методик ярҙам күрһәтеү системаһын ойоштороу мәсьәләләре тикшерелде.

Өфө хакимиәтенең Опека һәм попечителлек буйынса идаралығынан хәбәр итеүҙәренсә, Социаль етемлекте иҫкәртеү фонды (Мәскәү ҡалаһы) Өфөнө 20 төбәк исемлегенә индергән. Был төбәктәрҙә 2013-2014 йылдарҙа «Социаль етемлекте иҫкәртеү буйынса һөҙөмтәле эшмәкәрлек булдырыу: Рәсәй төбәктәрендә яңы тыуған сабыйҙарҙан баш тартыуҙы иҫкәртеү һәм ауыр тормош шарттарында ҡалған йәш балалы ҡатындарға ярҙам күрһәтеү моделдәрен индереү» пилот проектын һынап ҡарау планлаштырыла.

Конференция РФ Йәмәғәт палатаһы, РФ Иҡтисади үҫеш министрлығы, РФ Дәүләт Думаһының Ғаилә, ҡатындар һәм балалар мәсьәләләре буйынса комитеты, Социаль етемлекте иҫкәртеү фонды ярҙамында ойошторолдо.

#конференциялар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.