91.69
0
Башҡортостан һәм Өфө яңылыҡтары
98.56
0
83.11
+0.29
4+ °C
Болотло
Бөтә яңылыҡтар
Йәмғиәт
19 Декабрь 2012, 16:24
Республикала 6 меңгә яҡын ҡатын «Әсәлек даны» миҙалы менән наградланған
Республикала «Әсәлек даны» миҙалы менән 5700 ҡатын наградланған. Бөгөн уларҙың сафын биш һәм унан да ашыу бала тәрбиәләгән йәнә 57 әсә тулыландырҙы. 101-се тапҡыр ойошторолған тантаналы сара Башҡортостан Хөкүмәтендә үтте. Наградаларҙы БР Премьер-министры урынбаҫары Лилиә Ғүмәрова тапшырҙы.
— Балаларҙы тәрбиәләү, уларҙы республиканың һәм Рәсәйҙең лайыҡлы граждандары итеп үҫтереү өсөн күпме көс һалыуығыҙҙы әйтеп бирер өсөн һүҙҙәр табыу ҙа ҡыйын, - тип билдәләне Лилиә Ғүмәрова.
Бөгөн төбәктә ғаиләгә, әсәлеккә һәм балалыҡҡа реаль ярҙам күрһәтелә. Үтеп барған йыл Имен бала саҡ һәм ғаилә ҡиммәттәрен нығытыу йылы тип иғлан ителде. Уның сиктәрендә мөһим закондар һәм программалар ҡабул ителде.
— Әлеге ваҡытта балалы ғаиләләр 30-ға яҡын төр пособие ала. Йыл һайын был маҡсаттарға бүленгән сумманың дөйөм күләме 2 миллиард һум тәшкил итә, - тине Лилиә Ғүмәрова. – Бөгөн Башҡортостан Президенты башланғысы менән республиканың социаль учреждениелары балалы ғаиләләргә социаль ярҙам сараларының һөҙөмтәлерәк булыуы өҫтөндә эшләй.
Наградланған әсәләр ҙә яуапһыҙ ҡалманы. Улар республика етәкселегенә даими ярҙам күрһәткәне өсөн рәхмәтен белдерҙе. Күпселек әсәләрҙең биш бала тапҡандан һуң да уҡытыусы, тәрбиәсе, шәфҡәт туташы, социаль хеҙмәткәр, һауынсы һәм хатта полиция хеҙмәткәре булып эшләүен дауам итеүе ҡыуаныслы.
Дәүләкәндән Гөлназ Ҡорманаева тантаналы сараға килгән әсәләр араһынан иң йәше булып сыҡты. 29 йәшендә ул биш бала тәрбиәләй, ә оҙаҡламай алтынсы сабый ҙа донъяға киләсәк.
— Беҙ Айнур менән ике малай, өс ҡыҙ тәрбиәләйбеҙ. Тормошта иң мөһиме – балалар. Ә ата-әсәнең үҙ-үҙен тотошо ныҡлы ғаиләнең төп нигеҙе булып тора. Балаларға ниндәй генә өгөт-нәсихәттәр биреп үҫтермә, улар, тәү сиратта, атай-әсәйенең нисек йәшәүенә ҡарап тәрбиәләнә. Шуға күрә беҙ иптәшем менән татыу йәшәйбеҙ, барлыҡ мәсьәләләрҙе бергәләп хәл итәбеҙ.
Лилиә Ғүмәрова ла был фекер менән килешә.
— Ғаилә именлегенең сере һәр ваҡыт социаль ярҙам сараларына, аҡсаға ҡайтып ҡалмай. Әлбиттә, белем алыу, һаулыҡты нығытыу өсөн балаларға яҡшы шарттар булдырыу зарур, әммә ололарға ихтирамлы ҡараш, үҙебеҙҙең йолаларҙы, мәҙәниәтте, телде хөрмәтләү кеүек ғаилә ҡиммәттәрен һаҡлау, нығытыу ҙа бөгөн үтә мөһим, - тине вице-премьер.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».