Стәрлетамаҡ районында ауыл халҡына тәүге медицина ярҙамы күрһәтеү буйынса акция үткәрелә

Алик Шакиров

Башҡортостандың Стәрлетамаҡ районында ауыл халҡына тәүге медицина ярҙамы күрһәтеү буйынса акция үткәрелә. Билдәле булыуынса, һаулыҡ һаҡлау өлкәһен оптималләштереү һәм яңыртыу һөҙөмтәһендә тотош һаулыҡ һаҡлау системаһы үҙгәртеп ҡоролдо, айырыуса был ауыл ерендәге медицина учреждениеларына ҡағылды. Һөҙөмтәлә байтаҡ участка дауаханалары ябылды, фельдшер-акушерлыҡ пункттары һаны ҡыҫҡартылды, кадрҙар дефициты барлыҡҡа килде. Район дауаханаларында ҡайһы бер квалификациялы медицина ярҙамы күрһәтеү төрҙәре ҡыҫҡартылды, ә ҡайһы ауылдарҙа медицина ярҙамы күрһәтеү бөтөнләй туҡтатылды. Атап әйткәндә, Стәрлетамаҡ районының 40 ауылында әлеге ваҡытта бер ниндәй ҙә медицина ойошмаһы юҡ. Шуға күрә ошо мәсьәләләрҙе хәл итеү һәм уларҙың эҙемтәләрен бөтөрөү маҡсатында Стәрлетамаҡ районында эксперимент булараҡ әлеге акцияны үткәрергә ҡарар ителгән. Уны ойоштороусы булып БР Дәүләт Йыйылышы – Ҡоролтай депутаты, БР Хирургтар ассоциацияһы президенты, Башҡортостандың Фәндәр академияһы академигы Вил Тимербулатов сығыш яһаны.

Башҡортостан Республикаһының Президент программаһын тамамлаусылар ассоциацияһы, район хакимиәте, үҙәк район дауаханаһы ярҙамында әлеге 40 ауылда медицинаға ниндәй ҙә булһа ҡағылышы булған кешеләр – пенсионер фельдшерҙар, шәфҡәт туташтары, медицина өлкәһендә өҫтмә белем алған уҡытыусылар һайлап алынған, уларҙың һәр береһе өсөн аптечкалар әҙерләнгән.

Үткән аҙнала профессор Тимербулатов аптечкала булған изделиеларҙы, медикаменттарҙы ҡулланыу буйынса инструктаж үткәрҙе. Шул иҫәптән волонтерҙарға билдәле табиптар Венер Сәхәүетдинов, Булат Минасов, Вил Тимербулатов менән әҙерләнгән «Юл-транспорт фажиғәләрендә тәүге ярҙам күрһәтеү» исемле методик пособиелар тапшырылды. Стәрлетамаҡ районының Үҙәк район дауаханаһы белгестәре халыҡҡа үҙҙәре теләп ярҙам итергә тотонғандарға даими рәүештә методик, консультацион ярҙам күрһәтәсәк. 3-4 айҙан был яңы йүнәлештең һөҙөмтәләре тикшереләсәк.

«Башинформ» агентлығына БР Президент программаһын тамамлаусылар ассоциацияһы президенты Азамат Ғөбәйҙуллин хәбәр итеүенсә, яңы эшмәкәрлектең киләһе этабы – ошондай уҡ хеҙмәтте Миәкә районында ойоштороу.

#һаулыҡ һаҡлау #тәүге медицина ярҙамы #бр президенты программаһы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.