Салауат ҡалаһы халҡы «Изгелек һәм мәрхәмәтлек юлынан» хәйриә марафоны фондына 720 мең һумдан ашыу аҡса һалды

Марина Шумилова

Башҡортостан Республикаһында Имен бала саҡ һәм ғаилә ҡиммәттәрен нығытыу йылына һәм Әсә көнөнә арналған «Изгелек һәм мәрхәмәтлек юлынан» хәйриә марафоны Салауат ҡалаһында киң ижтимағи сағылыш тапты. Уны ойоштороусылар булып «Берҙәм Рәсәй» сәйәси партияһы һәм ҡала округы Советы менән берлектә Салауат ҡалаһы хакимиәте сығыш яһаны.

Марафонға 16 ноябрҙә старт бирелде, тип хәбәр иттеләр Салауат хакимиәтенең мәғлүмәт-аналитика бүлегенән. Ҡала хакимиәте башлығы Фәрит Ғилманов киң мәғлүмәт саралары аша Салауат халҡына балаларға ярҙам итеү кеүек изге эштә ҡатнашыу үтенесе менән мөрәжәғәт итте. Балалар китапханаһы, Халыҡты социаль яҡлау идаралығы, мәғариф бүлеге, опека бүлеге хеҙмәткәрҙәре төрлө ярҙамға мохтаж булған балалар исемлеген төҙөгән.

Һәм халыҡ был хәйриә марафонын дәррәү күтәреп алды. Банктағы иҫәпкә предприятие һәм ойошмаларҙан средстволар килә башланы. Ә 22 ноябрҙә «Нефтехимик» мәҙәниәт һарайында махсус «копилка» урынлаштырылды, ҡала халҡы мохтаж балаларға ярҙам итеү кеүек изге эшкә үҙ өлөштәрен индерергә теләп, оҙон сиратта баҫып торҙо. Мәҙәниәт һарайы фойеһында мөмкинлектәре сикләнгән кешеләр эшләгән изделиелар күргәҙмә-йәрминкәһе ойошторолдо. Сара концерт номерҙары менән биҙәлде.

12 сәғәттән алып 18-гә тиклем Мәҙәниәт һарайына килгән ата-әсәләр, йәштәр, пенсионерҙар ярҙамы менән 727146 һум аҡса йыйылды. Ә марафондың банктағы иҫәбенә предприятие һәм ойошмаларҙан ҡабул ителгән аҡса хаҡында мәғлүмәт һуңыраҡ билдәле була. Сөнки теләгән һәр кем алдағы аҙна дауамында иҫәпкә аҡса һала ала әле.

#хәйриә #марафон

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.