Башҡортостандың өс юғары уҡыу йорто илдең 100 иң көслө вузы иҫәбенә инде

Эльмира Сабирова

Башҡортостандың өс юғары уҡыу йорто илдең 100 иң көслө вузы иҫәбенә инде. Рейтингты «Эксперт РА» агентлығы төҙөгән.

Өфө дәүләт нефть техник университеты исемлектә – 49-сы, Башҡорт дәүләт университеты – 83-сө, Өфө дәүләт авиация техник университеты 88-се урындарҙы биләй.

БашДУ ректоры Әхәт Мостафин һүҙҙәренсә, Рәсәйҙең 100 иң яҡшы юғары уҡыу йорто исемлегенә эләгеү университет өсөн мөһим күрһәткес булып тора, әммә үҙенең мөмкинлектәре буйынса ул тәүге илле иҫәбендә булырға лайыҡ. Ҡайһы бер күрһәткестәр, атап әйткәндә, уҡыу йортон тамамлаусыларҙы эшкә урынлаштырыу, абитуриенттарҙы ҡабул итеү, сит ил университеттары менән хеҙмәттәшлек итеү буйынса университет бик һуң эшләй башлаған, тип иҫәпләй ректор. Әммә әлеге ваҡытта вуз был йүнәлештәрҙе әүҙем үҫтерә.

М.В.Ломоносов исемендәге Мәскәү дәүләт университеты, Н.Э.Бауман исемендәге Мәскәү дәүләт техник университеты, Санкт-Петербург дәүләт университеты, Мәскәү физика-техник институты һәм Юғары иҡтисад мәктәбе – әлеге рейтингта лидерҙар иҫәбендә.

Юғары уҡыу йорттары эшмәкәрлегенә баһа биргән саҡта 40 күрһәткес күҙ уңында тотолған. Улар араһында – вузда белем биреү сифаты, ресурстар менән тәьмин ителеш, вуздың ғилми-тикшеренеү әүҙемлеге кимәле, инновацион инфраструктура.

«Эксперт РА» агентлығының алдынғы аналитигы Алексей Ходырев хәбәр итеүенсә, рейтинг төҙөү барышында үткәрелгән онлайн-тауыш биреүҙәрҙә дүрт меңгә яҡын кеше ҡатнашҡан.

#мәғариф #юғары уҡыу йорттары #рейтингтар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.