Понедельник, 25 Мая 2026

Уфа

+20 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

12:09 (UTC+5), 23 Октября 2012

Мәскәү милләттәр йортонда Башҡортостан Республикаһы көнөнә арналған концерт үтте

«Башинформ» | Александра Оганян фотолары

Мәскәү милләттәр йортонда Башҡортостан Республикаһы көнөнә арналған концерт үтте. Байрам Башҡортостан Республикаһының Рәсәй Федерацияһы Президенты янындағы Тулы хоҡуҡлы вәкиллеге ярҙамында Мәскәүҙәге «Башҡортостан яҡташтар берлеге» төбәк йәмәғәт ойошмаһы менән ойошторолдо.

Сарала сәләмләү һүҙе менән Башҡортостандың Мәскәүҙәге яҡташтар берлеге етәксеһе, Социалистик Хеҙмәт Геройы Тәлғәт Хурамшин, Башҡортостан Республикаһының Тулы хоҡуҡлы вәкиле урынбаҫары Шамил Тикеев, Мәскәү милләттәр йорто директоры урынбаҫары Александр Пономарь сығыш яһаны, тип хәбәр иттеләр Башҡортостан Республикаһының Мәскәүҙәге Тулы хоҡуҡлы вәкиллегенән.

Артабан Мәскәүҙә уҡыған студенттарға уҡыуҙа һәм фәнни-тикшеренеү эшмәкәрлегендә күрһәткән ҡаҙаныштары өсөн Башҡортостан Республикаһы Президенты стипендиаттары дипломдарын тапшырыу тантанаһы үтте. Улар араһында – Эльвина Кәлимуллина, Гөлфиә Ҡылысова, Гүзәл Хәмиҙуллина.

Кисәнең музыкаль өлөшөн һигеҙ йәшлек пианиносы Арыҫлан Мөхәмәтғәлиев асып ебәрҙе. Спиваков исемендәге Халыҡ-ара хәйриә фонды стипендиаты быйыл Ф.Шопен исемендәге Мәскәү музыка мәктәбенә уҡырға ингән.

Концертта күп йылдар эсендә тәүге тапҡыр Башҡортостан яҡташтар берлегенең үҙешмәкәр коллективтары сығыш яһаны. Улар иҫәбендә – Нәзирә Байегетова етәкселегендәге «Алтынай» халыҡ бейеүҙәре ансамбле. Шулай уҡ Мәскәүҙең юғары уҡыу йорттарында белем алған егеттәр берләшеп, ҡурайҙа уйнарға өйрәнгән. Концертта улар ҙа сығыш яһаны.

Сараны Рәсәйҙең атҡаҙанған артисы, Башҡортостандың халыҡ артисы Нәзифә Ҡадырова, йәш, әммә популярлыҡ яулап өлгөргән йырсы Рэдик Ефремов дауам итте.

Концерттан бер көн алда Башҡортостан Республикаһының Тулы хоҡуҡлы вәкиллегендә тантаналы сара үтте, унда Рәсәй Президенты Хакимиәтенән почетлы ҡунаҡтар, Сыуашстан Республикаһы, Ингушетия, Татарстандан вәкилдәр, шулай уҡ Бөйөк Ватан һуғышы һәм хеҙмәт ветерандары, Башҡортостан яҡташтар берлеге ағзалары ҡатнашты.

1 из 18

#яҡташтар берлеге

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.