Өфөлә төбәк энциклопедистикаһы мәсьәләләре тикшерелә

Марина Шумилова

27 сентябрҙә Өфөнөң Конгресс-холында «Тарихи тәжрибә, Рәсәй төбәк энциклопедистикаһы үҫешенең көнүҙәк мәсьәләләре» бөтә Рәсәй фәнни-ғәмәли конференцияһы асылды. Уны ойоштороусы булып Башҡортостан Республикаһы Фәндәр академияһының «Башҡорт энциклопедияһы» сығыш яһай. Конференцияла Рәсәй төбәктәренән, шулай уҡ БДБ илдәренән вәкилдәр ҡатнаша.

Бөтә Рәсәй конференцияһы ете томлыҡ «Башҡорт энциклопедияһы»н тамамлау айҡанлы ойошторола, тине БР Фәндәр академияһы президенты Рәмил Бәхтизин, сарала ҡатнашыусыларҙы сәләмләп.

— Был ғәйәт ҙур мәғлүмәт ресурсы, Башҡортостан исеменән донъяның мәғлүмәт киңлегендә ул лайыҡлы сығыш яһай, - тип һыҙыҡ өҫтөнә алды БР Фәндәр академияһы президенты.

Рәмил Бәхтизин билдәләүенсә, төбәк энциклопедистикаһы проблемалары буйынса конференция Башҡортостандың ғилми берләшмәһе өсөн генә түгел, ә бөтә Рәсәй йәмғиәте өсөн дә ҙур ваҡиға булып тора.

Ике көн дауамында ғилми форумда Рәсәй энциклопедистикаһы тарихы, үҫеше, төбәк энциклопедияларын әҙерләү мәсьәләләре тикшереләсәк.

27 сентябрҙә конференцияның пленар ултырышы үтә. Конгресс-холл фойеһында төбәк энциклопедиялары, фәнни әҙәбиәт күргәҙмәһе ойошторолған.

28 сентябрҙә ғилми форум сиктәрендә «Башҡорт энциклопедияһы»ның аҙаҡҡы, етенсе томының презентацияһы, шулай уҡ түңәрәк өҫтәл үтә. Унда конференцияға йомғаҡ яһаласаҡ һәм уның резолюцияһы ҡабул ителәсәк.

«Тарихи тәжрибә, Рәсәй төбәк энциклопедистикаһы үҫешенең көнүҙәк мәсьәләләре» конференцияһына йыйынтыҡ әҙерләнгән.

Төбәк энциклопедистикаһын үҫтереүгә арналған фәнни-ғәмәли конференциялар бығаса Санкт-Петербург (2003 йыл), Ҡазан (2006 йыл) һәм Чебоксары (2007 йыл) ҡалаларында үтте.

#конференциялар #төбәк энциклопедистикаһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.