Республикала Фәнде үҫтереү һәм уға ярҙам итеү фонды эшләй башланы

Башҡортостан Республикаһының Фәндәр академияһында «БР Фәнде үҫтереү һәм уға ярҙам итеү фонды» коммерцияға ҡарамаған ойошмаһы ултырышы үтте, тип хәбәр итте «Башинформ» агентлығына БР Фәндәр академияһының матбуғат секретары Светлана Седелева.

Фондтың Идараһы һәм Попечителлек советы составына дәүләт власы, закондар сығарыу органдары, фән һәм ҙур инвестиция бизнесы вәкилдәре инде.

Фондтың Попечителлек советы рәйесе, БР Президенты Хакимиәте етәксеһе Владимир Балабанов һүҙҙәренсә, республика тәү сиратта йәш ғалимдарға ярҙам итергә, инновацион проекттарҙы финанслау сығанаҡтарын эҙләргә, фәнде популярлаштырырға тейеш. Президент Хакимиәте башлығы инвесторҙарҙа ҡыҙыҡһыныу уятасаҡ аныҡ ҡағиҙәләр булдырырға тәҡдим итте.

Фонд Идараһы рәйесе, БР Фәндәр академияһы президенты Рәмил Бәхтизин фәнде финанслауға бюджет сығымдарының ҡыҫҡартылыуы хаҡында иҫкә төшөрҙө, Фәнәр академияһының коммерциялаштырыуға, бәләкәй инновацион предприятиелар булдырыуға йүнәлтелгән булыуын билдәләне. Әммә фундаменталь фәндәр, гранттар кеүек үк, элеккесә финансланасаҡ, тигән өмөтөн белдерҙе Рәмил Бәхтизин.

БР Фәнде үҫтереү һәм уға ярҙам итеү фонды бөтә төр ярҙамдарҙы һәм инновацион проекттарҙы системаға һалыу, уларға баһа биреү регламенттарын әҙерләү менән шөғөлләнәсәк. Бынан тыш, 2015 йылда Өфөлә Шанхай хеҙмәттәшлек ойошмаһы саммитын үткәреү сиктәрендә Фонд халыҡ-ара фәнни хеҙмәттәшлек мәсьәләләре буйынса ғилми форум үткәрергә планлаштыра.

Автор:Розалия Вәлиева

Теги:бр фәндәр академияһы бр фәнде үҫтереү һәм уға ярҙам итеү фонды

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».