93.29
+0.04
Башҡортостан һәм Өфө яңылыҡтары
99.56
+0.2
88.17
-0.28
18+ °C
Болотло
Бөтә яңылыҡтар
Йәмғиәт
11 Сентябрь 2012, 17:42
Рәсәй Президенты Владимир Путин Паралимпиада-2012 геройҙарын наградланы
Рәсәй Президенты Владимир Путин Лондонда 2012 йылғы Паралимпия уйындарында алтын миҙал яулаған спортсыларға дәүләт наградалары тапшырҙы. Тантаналы сара Ҙур Кремль һарайының Александр залында үтте.
Почет ордендары менән – 5 спортсы, Дуҫлыҡ ордендары менән 37 атлет наградланды.
Рәсәй йыйылма командаһы дөйөм команда иҫәбендә икенсе урын яулап, Паралимпия уйындарында сығыш яһау тарихында иң яҡшы һөҙөмтәгә иреште. Рәсәй спортсылары 102 награда – 36 алтын, 38 көмөш һәм 28 бронза миҙал яуланы, йөҙөү һәм еңел атлетика буйынса 14 донъя рекорды ҡуйҙы.
Наградланыусылар араһында – Башҡортостан вәкилдәре: Паралимпиада уйындарының йөҙөү буйынса биш тапҡыр чемпионы Оксана Савченко, еңел атлетика буйынса ике тапҡыр чемпион Алексей Лабзин, шулай уҡ йөҙөүселәр Александр Неволин-Светов, Михаил Зимин, еңел атлеттар Андрей Коптев, Елена Паутова, Анастасия Овсянникова.
Александр Неволин-Светов, Елена Паутова һәм Алексей Лабзин – Почет орденына, Оксана Савчено Дуҫлыҡ орденына лайыҡ булды.
— Яңыраҡ ҡына беҙҙең йыйылма команданы Лондонға оҙатҡайныҡ, хәҙер спортсыларыбыҙҙы бик шәп уңыштар менән ҡотлар өсөн йәнә Кремлдә осрашабыҙ, - тине Владимир Путин. – Был ҡыҫҡа ваҡыт эсендә һеҙҙең тормошоғоҙҙа, шулай уҡ бөтә донъя спорт һөйөүселәренең тормошонда бихисап сағыу ваҡиғалар булды.
Лондонда XIV Паралимпия уйындарында бик яҡшы сығыш яһауығыҙ менән тағы ла бер тапҡыр ҡотлайым. Ысын еңеүсе булырға теләк һәм ынтылыш күрһәтеп, беҙҙең йыйылма команданы паралимпия спорты лидерҙары кимәленә сығарҙығыҙ, - тине Президент.
Бынан алда бронза һәм көмөш призерҙарҙы РФ Президенты Хакимиәте башлығы Сергей Иванов ҡотланы. Иҫегеҙгә төшөрәбеҙ, Башҡортостан вәкилдәре Александр Неволин-Светов – өс, Алексей Лабзин һәм Анна Сорокина берәр көмөш миҙал яуланы.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».