Воскресенье, 31 Мая 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

05:15 (UTC+5), 30 Августа 2012

2013 йылғы хоккей буйынса Донъя чемпионатын Өфө лайыҡлы үткәрәсәк

Дмитрий Слезин

Шаршамбы, 29 августа, Башҡортостан Президенты Рөстәм Хәмитов етәкселеге аҫтында йәштәр командалары араһында шайбалы хоккей буйынса Донъя чемпионатының ойоштороу комитеты ултырышы үтте. Ярыштар Өфөлә 2012 йылдың 26 декабренән 2013 йылдың 5 ғинуарына тиклем үтә.

Кәңәшмәлә Рәсәй Хоккей федерацияһы президенты Владислав Третьяк, Башҡортостандың йәштәр сәйәсәте һәм спорт министры Андрей Иванюта, Өфө мэры Ирек Ялалов ҡатнашты.

Ултырыш башында Рөстәм Хәмитов төп мәсьәләләрҙе билдәләне.

— «Өфө-Арена», аңлауымса, чемпионатҡа тулыһынса әҙер, - тине республика башлығы. – Спорт һарайында реконструкциялау эштәре тамамлана. Бағыусылар менән эш итеүгә айырыуса иғтибар бүлергә кәрәк, сөнки ваҡыт бик әҙ ҡала. Был йәһәттән эш барышы менән ҡәнәғәт түгелмен. Башҡарылған эштәр буйынса башҡаларҙан да отчет ишетергә теләйем.

— Был һеҙҙең республика өсөн генә түгел, Рәсәй өсөн дә ҙур ваҡиға, - тип билдәләне Владислав Третьяк. – Хоккейҙы үҫтергәнегеҙ өсөн рәхмәт. Ҡыҫҡа ваҡыт эсендә Өфөлә ҡатын-ҡыҙҙар хоккей командаһы булдырылды. Ҡатын-ҡыҙҙар хоккейы – Олимпия уйындарына индерелгән спорт төрө, Сочиҙа үтәсәк Олимпиадаға лайыҡлы команда әҙерләргә тейешбеҙ. Өфөлә йәштәр араһында Донъя чемпионатында 10 ил ҡатнашасаҡ. Чемпионат Сочиҙа Олимпия уйындары алдынан үткәрелә, беҙгә шулай уҡ яҡшы команда әҙерләргә кәрәк. Башҡортостан баш ҡалаһында чемпионатҡа әҙерлек кимәлен тикшерҙем, был турнирҙы юғары кимәлдә үткәрербеҙ, тип ышанам.

Андрей Иванюта йәштәр араһында Донъя чемпионатына әҙерлек барышы хаҡында һөйләне.

— 30 августан 1 сентябргә тиклем «Өфө-Арена»ла хоккей буйынса Башҡортостан Кубогы 2013 йылғы Донъя чемпионаты алдынан тест ярыштары булараҡ үтәсәк, - тип билдәләне Иванюта. – Йәштәр беренселегенең фирма стиле һәм символикаһы әҙерләнгән, тренировкалар ваҡыты һәм турнир матчтары теҙмәһе раҫланған.

Андрей Иванюта шулай уҡ реклама кампанияһы, чемпионатта ҡатнашыусыларҙы һәм ҡунаҡтарҙы урынлаштырыу мәсьәләләренә лә ҡағылды.

Ултырышта ҡатнашыусылар фекеренсә, генераль бағыусы менән бәйле мәсьәлә бөгөнгө көнгә иң ҡатмарлыһы. Был проблема хәл ителә.

Баш ҡала мэры «Өфө-Арена» һәм Спорт һарайы биләмәләрен төҙөкләндереү, уларҙың эргәһендә урынлашҡан йорттарға ремонт үткәреү, яңы уңайлы парковкалар булдырыу хаҡында һөйләне. Барлыҡ был сараларға ҡала 227 миллион һум аҡса тотонған.

Ултырышта командаларҙы һәм туристарҙы чемпионат барышында ҡала буйлап йөрөтөү, бағыусылар менән эш итеү, медицина хеҙмәтләндереүе һәм хәүефһеҙлек мәсьәләләре, мәҙәни программа тикшерелде. Чемпионатҡа әҙерлек эштәре графикка ярашлы үтә. Республика донъя кимәлендәге был сараға әҙерлек эштәрен күрһәтелгән ваҡыт эсендә тамамларға тейеш, тигән бурыс ҡуйҙы Рөстәм Хәмитов.

1 из 20

#хоккей #донъя чемпионаты-2013

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.