Лондонда йәйге Паралимпия уйындары-2012 старт ала

Дмитрий Слезин

Шаршамбы, 29 августа, Лондонда XIV йәйге Паралимпия уйындары асыла. Рәсәй исеменән 180 спортсы сығыш яһай, уларҙан 16 кеше – Башҡортостан Республикаһы командаһы ағзалары.

Улар – еңел атлеттар Елена Паутова, Алексей Лабзин, Андрей Коптев, Анна Сорокина, Альберт Әсәҙуллин, Илдар Помыкалов, Андрей Жирнов, Анастасия Овсянникова, Айгөл Сәхибзадаева, йөҙөүселәр Оксана Савченко, Александр Неволин-Светов, Михаил Зимин, фехтовальщиктар Марат Йосопов, Иван Андреев, Тимур Хаматшин, Тимур Фәйзуллин.

2008 йылда Пекинда үткән Паралимпия уйындарында Рәсәй йыйылма командаһы составына республиканан 17 спортсы ингәйне. Улар туғыҙ миҙал яулағайны. Оксана Савченко – йөҙөү буйынса өс алтын миҙал һәм өс донъя рекорды, Олег Крецул – дзюдо буйынса алтын миҙал, Андрей Строкин – йөҙөү буйынса ике бронза миҙал, Елена Паутова – йүгереү буйынса ике бронза миҙал, Илдар Помыкалов марафон буйынса бронза миҙал яулағайны.

Көн элгәре рәсми делегация составында Лондонға Рәсәйҙең Паралимпия комитеты вице-президенты, Дәүләт Думаһы депутаты Рима Баталова килде.

Визит сиктәрендә Рима Баталова Паралимпия ауылына барасаҡ, унда спортсылар менән осрашасаҡ, Рәсәйҙең йыйылма командаһы штабы офисында буласаҡ. Шулай уҡ рәсми делегация составында ул Халыҡ-ара Паралимпия комитеты президенты сэр Филипп Крейвен менән осрашыуҙа ҡатнашасаҡ.

Иҫегеҙгә төшөрәбеҙ, Дәүләт Думаһы депутаты Рима Баталова – 13 тапҡыр Паралимпия уйындары чемпионы, еңел атлетика буйынса Рәсәйҙең атҡаҙанған спорт мастеры. Үҙенең ҡаҙаныштары өсөн ул «Гиннес рекордтар китабы»на индерелде. Дәүләт Думаһының паралимпия спортын, физик культураны һәм инвалидтар, һаулыҡ мөмкинлектәре сикләнгән кешеләр спортын үҫтереү мәсьәләләре буйынса профилле бүлеген етәкләй.

#паралимпиада-2012

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.