79.15
+0.96
Башҡортостан һәм Өфө яңылыҡтары
91.84
+1.05
62.51
+0.52
-9 °C
Болотло
Бөтә яңылыҡтар
Йәмғиәт
17 Август 2012, 10:52
Башҡортостан һәм Якутия ғалимдары хеҙмәттәшлек итеү тураһында һөйләшеп килеште
Көн элгәре Башҡортостан Республикаһының Фәндәр академияһы, Рәсәй Фәндәр академияһының Өфө ғилми үҙәге, Рәсәй Фәндәр академияһының Себер бүлексәһе Яҡут ғилми үҙәге һәм Саха (Яҡут) Республикаһының Фәндәр академияһы араһында фәнни-техник хеҙмәттәшлек итеү тураһында дүрт яҡлы килешеүгә ҡул ҡуйылды.
БР Фәндәр академияһының матбуғат үҙәгенән хәбәр итеүҙәренсә, документ төрлө эшмәкәрлек өлкәләрендә берлектәге фундаменталь һәм ғәмәли ғилми тикшеренеүҙәрҙең һәм эшләнмәләрҙең өҫтөнлөклө йүнәлештәрен билдәләй.
Рәсәй Фәндәр академияһының Себер бүлексәһе Яҡут ғилми үҙәге Президиумы рәйесе Михаил Лебедев билдәләүенсә, әлеге килешеү фундаменталь фән өлкәһендәге тикшеренеүҙәргә генә түгел, ә ғәмәли һөҙөмтәләр алыуға ла йүнәлтелгән. Уның һүҙҙәренсә, төбәктәрҙең хеҙмәттәшлек итеүе ике республиканың да халыҡ хужалығы өсөн әһәмиәтле булған көнүҙәк мәсьәләләрҙе хәл итергә ярҙам итәсәк.
Бығаса хеҙмәттәшлек Башҡортостан Республикаһының Фәндәр академияһы менән Саха (Яҡут) Республикаһының Фәндәр академияһы араһындағы ике яҡлы килешеү нигеҙендә тормошҡа ашырылды.
БР Фәндәр академияһы президенты Рәмил Бәхтизин билдәләүенсә, фәндә сиктәр булырға тейеш түгел.
– Фәнни берләшмәләргә, уларҙың ниндәй системала эшләүенә ҡарамаҫтан, барыһы өсөн дә уртаҡ булған мәсьәләләрҙе бергә хәл итергә кәрәк, - тине Рәмил Бәхтизин.
Саха (Яҡут) Республикаһының Инновацион сәйәсәт һәм фән буйынса дәүләт комитеты рәйесе урынбаҫары Любовь Явловская һүҙҙәренсә, субъекттарҙың актуаль мәсьәләләрен хәл итеүҙән тыш, килешеү йәш ғалимдарҙың хеҙмәттәшлек итеүенә лә старт бирәсәк.
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2026 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».