Республикала йыл башынан 42 ҡатын сабыйҙарын бала табыу йорттарында ҡалдырған

Эльмира Сабирова

Башҡортостанда йыл башынан бала табыу йорттарында 42 ҡатын яңы тыуған сабыйҙарынан баш тартҡан. 2011 йылда ошо уҡ осор эсендә бындай 50 осраҡ теркәлгәйне.

Был һәм башҡа һандарҙы БР Һаулыҡ һаҡлау министрлығы сабыйҙарынан баш тартҡан әсәйҙәр араһында аноним рәүештә анкета тултырыу сиктәрендә алған. Был тикшеренеүҙең төп маҡсаты – социаль етемлекте иҫкәртеү буйынса саралар системаһын булдырыу.

Мәғлүмәттәргә ярашлы, сабыйҙарын бала йорттарында ҡалдырғандарҙың күпселек өлөшөн (42,9%, йәғни 18 кеше) 18-25 йәштәрҙәге ҡатындар тәшкил итә. Уларҙың 38,1% (16 кеше) – 26-35 йәштәрҙәге, 11,9% (5 кеше) – 35 йәштән өлкәнерәк, 7,1% (3 кеше) – 18 йәшкә тиклемге әсәйҙәр.

Анкета төҙөүселәр ҡатындарҙың белем кимәленә лә иғтибар иткән. Шулай итеп, яуап биреүселәрҙең күпселеге (54,8%, йәғни 23 кеше) – урта, 16,7% (7) – урта махсус, 11,9% (5) – тулы булмаған урта һәм шулай уҡ кеше юғары белемгә эйә.

Эш хаҡына килгәндә, ҡатындарҙың 54,8 процентының (23) килеме – йәшәү минимумынан түбәнерәк, 23,8% (10) – 6 меңдән ашыуыраҡ, 21,4% (9) – 4300-ҙән алып 6000-гә тиклем сумма тәшкил итә.

Ғаилә хәленә килгәндә, һандар түбәнгесә: әсәләрҙең яртыһынан күберәге 52,4% (22) – бер ҡасан да никахта булмаған, 23,8% (10) – рәсми никахта тора, 11,9% (5) – гражданлыҡ никахында, шуның сама уҡ кеше – айырылышҡан.

Ҡатындарҙың яртыһы тиерлек 40,5% (17) – ата-әсәһе менән йәшәй, 35,7 процентының (15) – шәхси торлағы юҡ, 11,9 процентының ғына (5) – үҙ фатиры бар.

Сабыйҙан баш тартыу сәбәптәре араһында анкета тултырыусыларҙың 50 проценты (21) – матди яҡтан тәьмин ителеүҙең тейешле кимәлдә булмауын, 40,5% (17) – йәшәү шарттары булмауын, 26,2% (11) – эш булмауын атаны, 66,7% (28) – был һорауға яуап бирергә ҡыйынһынды.

Шулай итеп, анкета мәғлүмәттәренә таянып, сабыйҙарын бала табыу йорттарында ҡалдырған ҡатындарҙың социаль портретын түбәндәгесә билдәләргә була: 25 йәшкә тиклемге, урта һәм махсус урта белемле, эшләмәгән, никахта тормаған, матди ярҙамға мохтаж, үҙҙенең социаль статусын насар тип иҫәпләгән әсә.

#һаулыҡ һаҡлау

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.