Суббота, 16 Мая 2026

Уфа

+27 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

10:07 (UTC+5), 16 Июля 2012

Республика Президенты Белорет халҡын Ҡала көнө менән ҡотланы һәм дәүләт наградалары тапшырҙы

Эльмира Сабирова, Ольга Колесникова

14 июлдә Белоретта, «Металлург» майҙанында ҡалаға 250 йыл тулыуға, Белорет металлургия комбинатының 250 йыллығына һәм Металлургтар көнөнә арналған байрам саралары үтте. Белорет халҡын был байрамдар менән ҡотларға Башҡортостан Президенты Рөстәм Хәмитов килде.

— Бөгөн үҙенең 250 йыллыҡ юбилейын билдәләгән матур Белорет ҡалаһында булыу минең өсөн оло шатлыҡ, - тине республика башлығы. – Белорет һуңғы йылдар эсендә күҙгә күренеп үҙгәрә. Урамдарға ремонт үткәрелә, яңы йорттар төҙөлә, объекттар сафҡа индерелә. Ҡаланың төп предприятиеһы булған Белорет металлургия комбинаты коллективының тотороҡло эшләүе ҡыуандыра. Дөйөм алғанда Белоретты республикабыҙҙағы иң яҡшы ҡалаларҙың береһе тип иҫәпләйем, уның киләсәге яҡты. Бында матур кешеләр йәшәй. Ҡала үҫешһен, сәскә атһын өсөн барыһын да эшләйәсәкбеҙ. Һеҙҙең барығыҙға ла уңыштар, ныҡлы сәләмәтлек теләйем.

Артабан Рөстәм Хәмитов Белорет ҡалаһында йәшәүселәргә дәүләт наградалары тапшырҙы. Белорет металлургия комбинатының иң яҡшы хеҙмәткәрҙәре БР Почет грамоталары һәм «Башҡортостан Республикаһының атҡаҙанған металлургы» исемдәре менән билдәләнде.

Ҡала халҡын Белорет районы хакимиәте башлығы Владислав Миронов һәм «Белорет металлургия комбинаты» асыҡ акционерҙар йәмғиәтенең идара итеүсе директоры Виктор Камелин ҡотланы.

Владислав Миронов республика Президентына, БР Хөкүмәтенә, шулай уҡ Белорет ойошмалары һәм предприятиеларына ярҙам күрһәткәндәре өсөн рәхмәтен белдерҙе.

Шулай уҡ байрам барышында ҡаланы социаль-иҡтисади йәһәттән үҫтереүгә өлөш индергән ҡайһы бер кешеләр «Белорет ҡалаһы алдындағы ҡаҙаныштары өсөн» билдәләре менән наградланды.

Байрам театрлаштырылған тамаша, концерт һәм фейерверк менән тамамланды.

1 из 12

#бр президенты сәфәрҙәре #белорет ҡалаһы көнө

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.