Башҡортостанда 43 меңдән ашыу мигрант теркәлгән

Арина Рәхимҡолова

Федераль миграция хеҙмәтенең БР буйынса идаралығы 16 төрҙән ашыу дәүләт хеҙмәте күрһәтә. Алты айҙағы эшмәкәрлек йомғаҡтарына арналған кәңәшмәлә ведомство етәксеһе Борис Ғөзәйеровтың билдәләүенсә, ошо осорҙа уларға 800 меңдән ашыу граждан мөрәжәғәт иткән. 51 меңдән күберәк сит ил гражданы иҫәпкә алынған, уҙған йылдағы күрһәткестән был 5 процентҡа күберәк.

– Башҡортостанға сит ил граждандары ағымының артыуы төбәктә эш булыуына бәйләнгән. Иң күп мигранттар Өфөгә, Туймазыға, Иглин һәм Шишмә райондарына килгән. 1 июлгә ҡарата алынған мәғлүмәттәргә ярашлы, республикала 43 меңдән ашыу сит ил гражданы теркәлгән. Беҙҙең төбәкте күберәк Үзбәкстан, Тажикстан, Әзербайжан граждандары үҙ итә. Сит илдәр араһында Төркиә һәм Вьетнам беренсе килә, — тине Борис Ғөзәйеров.

Миграция хеҙмәте хеҙмәткәрҙәре төрлө социаль объекттарҙа патруллек алып бара (сауҙа, сәнәғәт майҙандары, торлаҡ участкалары). Ошо арала 11 меңдән ашыу объект тикшерелгән.

БР буйынса Эске эштәр министрлығы менән берлектә ойошторолған төнгө рейдтар ҙа һөҙөмтә биргән. Көндөҙ илгә законһыҙ үткән кешеләрҙе табыуы ҡыйын, ә төнөн мигранттарҙы осратыуы күпкә еңелерәк.

Борис Ғөзәйеров, сит ил граждандарын Рәсәйҙән сығарыуға бәйле эштәрҙе камиллаштырырға кәрәк, тип билдәләне. Мәҫәлән, ҡабул ителгән 345 ҡарарҙың 215-е генә тормошҡа ашырылған. Республика идаралығының 18 бүлексәһе мигранттарҙы илдән ҡыуыу буйынса бер эш тә күрһәтмәгән.

#миграция хеҙмәте #мигранттар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.