2012 йылда һаулыҡ һаҡлау объекттарын төҙөүгә һәм реконструкциялауға миллиард һумдан ашыу аҡса бүленгән

Арина Рәхимҡолова

Быйыл һаулыҡ һаҡлау объекттарын төҙөүгә һәм реконструкциялауға республика бюджетынан миллиард һумдан ашыу аҡса бүленгән, тигән мәғлүмәт бирелә БР Һаулыҡ һаҡлау министрлығы сайтында.

Шулай итеп, Республика адреслы инвестицион программаһы сиктәрендә Октябрьскийҙа 2-се ҡала дауаханаһының перинаталь үҙәге өсөн 80 койкалыҡ акушерлыҡ корпусы төҙөлә. Октябрьский бала табыу йорто район-ара перинаталь үҙәк статусын алған, шуға күрә ҡаланан тыш ул Шаран, Туймазы, Йәрмәкәй, Баҡалы, Бишбүләк райондарын хеҙмәтләндерә. Бала табыу йортоноң бинаһы 1951 йылда уҡ төҙөлгән, һәм әле бала табыу залдарына, операциялар үткәреү, процедура һәм башҡа төрлө биналарға ҙур ҡытлыҡ кисерә, яңы тыуған сабыйҙарҙы аяҡҡа баҫтырыуҙың икенсе этабын ойоштороу мөмкинлеге лә юҡ.

2008 йылда проектлау эштәре үткәрелгән, 2009-ҙа Дәүләт экспертизаһынан ыңғай һығымта алынған. Төҙөлөш эштәрен подряд ойошмаһы быйыл март аҙағында башлаған.

– Төҙөлөштөң был этабында колонналар, бина каркасының урҙаһы монтажлана, стеналары күтәрелә, «А» блогының нигеҙе һалына. Төҙөлөш-монтажлау эштәрен 2013 йыл аҙағына тиклем тамамлау планлаштырыла, – ти ҡала дауаханаһының баш табибы Рөстәм Вәлиев.

Уның фекеренсә, яңы акушерлыҡ-педиатрия стационарын асыу бала көткән һәм бала тапҡан осорҙа ҡатын-ҡыҙҙарға махсус медицина ярҙамының сифатын күтәрергә, сабыйҙар араһында үлем һәм ауырыу осраҡтарын кәметергә, тыуым күрһәткестәрен арттырырға мөмкинлек бирәсәк.

2012 йылда Республика адреслы инвестиция программаһы менән 20 яңы һаулыҡ һаҡлау объектын төҙөү һәм әле эшләп килгән бишәүһен реконструкциялау ҡаралған.

#һаулыҡ һаҡлау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.