Башҡортостан ҡурайсылары йыйынға әҙерләнә

Розалия Вәлиева

30 июндә Көйөргәҙе районының Ермолаев ауылы янында 1812 йылғы Ватан һуғышында еңеүҙең 200 йыллығына арналған ҡурайсылар йыйыны үткәрелә, тип хәбәр иттеләр Республика халыҡ ижады үҙәгендә.

Сара сиктәрендә тарихсылар, тарихи һәм документаль факттарға таянып, һуғыш ваҡиғалары тураһында һөйләйәсәк, йырсылар һәм ҡурайсылар Ватан һуғышына арналған әҫәрҙәр башҡарасаҡ. Шулай уҡ ҡатнашыусыларҙан киләсәк быуын өсөн почетлы «Тарих китабы»на автографтар йыйыласаҡ.

Шуныһы иғтибарға лайыҡ: Ырымбурҙа һәм Көйөргәҙе районы биләмәһендә йөҙ йыл элек ошондай уҡ ике йыйылыш үткәрелгән, ул ваҡытта ла ҡурайсылар ата-бабаларҙың данлы тарихын бәйән иткән йыр-моңдарҙы башҡарған.

Ҡурайсылар йыйынында ҡатнашыу өсөн 20 июнгә тиклем Республика халыҡ ижады үҙәгенең электрон адресына коллектив заявкалар бирергә кәрәк. Тулыраҡ мәғлүмәтте 8(347)289-65-50 телефоны аша һәм Халыҡ ижады үҙәге сайтынан алырға мөмкин.

Билдәле булыуынса, Наполеон армияһы менән көрәшкә 28 башҡорт атлылар полкы ойошторолған. Тарихсылар билдәләүенсә, казактар һәм милли ғәскәрҙәр араһында башҡорттар полктар иҫәбе буйынса Дон казак ғәскәрҙәренән һуң икенсе урында торған. 1812 йылғы Ватан һуғышына арналған музыкаль фольклор өлгөләре башҡорт халҡының рухи донъяһында айырым урын биләй. Донъя халыҡтары фольклорында «Кутузов» йырының, «Наполеон Бонапарт» маршының аналогтары юҡ.

#халыҡ ижады үҙәге

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.