Кодеинлы препараттар 1 июндән рецепт буйынса ғына бирелә

Ольга Мортазина

Башҡортостандың Һаулыҡ һаҡлау министрлығында, кодеинлы препараттарҙы ирекле сауҙанан алыу медицина ярҙамы күрһәтеүҙең кимәлен төшөрмәйәсәк, тип иҫәпләйҙәр. Хәтерегеҙгә төшөрәйек, 2012 йылдың 1 июненән Рәсәйҙә составында аҙ миҡдарҙа кодеин булған препараттарҙы ла рецепт буйынса һатыу практикаһы индерелә. Миҫал өсөн, былар «Пенталгин», «Солпадеин», «Нурофен», «Седалгин», «Коделак» һәм башҡа киң рекламаланған ауыртыуҙы баҫыусы һәм йүтәлләгәндә ҡулланылған препараттар.

Яңылыҡтың инициаторы булып Рәсәйҙең Наркотиктар әйләнешенә контроллек итеү буйынса федераль хеҙмәте сығыш яһаны, ул ошо рәүешле 90-сы йылдарҙа ирекле сауҙаға сығарылған кодеинлы препараттарҙан яһалыусы арзан һәм үтә ағыулы наркотик - «дезоморфин» ҡулланыуҙың сиктән тыш артыуын туҡтатырға тырыша. Эксперименттар ярҙамында наркомандар ҙур дозала кодеиндың наркотик кеүек тәьҫир итеүен асыҡлаған.

БР Һаулыҡ һаҡлау министрлығының медицина ярҙамы сифатын контролдә тотоу һәм лицензиялау бүлеге начальнигы Динара Гашимова билдәләүенсә, үрҙә күрһәтелгән дарыуҙар 90-сы йылдарға тиклем рецепт буйынса бирелгән, тимәк, барыһы ла яңынан әүәлге хәленә ҡайтасаҡ. Дауалау учреждениелары яңы ҡағиҙәләргә әҙер һәм бланктар менән тәьмин ителде, тип ышандырҙы чиновник. Икенсе составлы, әммә ошондай уҡ үҙенсәлектәргә эйә һәм төрлө халыҡ ҡатламы һатып ала алырлыҡ төрлө хаҡтағы дарыуҙар ирекле сауҙала ҡала, тип билдәләне БР Һаулыҡ һаҡлау министрлығының фармацевтика эшмәкәрлеген ойоштороу һәм дарыуҙар менән тәьмин итеү бүлеге начальнигы урынбаҫары Наталья Романова.

Дарыуҙарҙы рецепт буйынса һатыу практикаһы алдараҡ индерелгән Рәсәй субъекттарында бындай дарыуҙар менән сауҙа итеү 30 тапҡырға кәмегән. Шулай ҙа Наркоконтролдә хәлдәрҙең кинәт яҡшырыуына өмөтләнмәйҙәр. Наркотиктарһыҙ тора алмаған граждандар икенсе дарыуҙар һәм яңы рецептар уйлап табасаҡ, тип иҫәпләй РФ Наркотиктар әйләнешенә контроллек итеү буйынса федераль хеҙмәттең Башҡортостан буйынса идаралығының наркотиктарҙың законлы әйләнешен контролдә тотоу бүлеге начальнигы Марат Хөсәйенов. Әммә, уның фекеренсә, Хөкүмәттең 599-сы ҡарары дарыуҙар әйләнеше өлкәһендәге оператив тикшереү эшмәкәрлеген камиллаштырырға һәм, һөҙөмтәлә, хоҡуҡ боҙоуҙарҙы кәметергә мөмкинлек бирәсәк.

#наркотиктар #дарыуҙар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.