Республикала 19 мең кеше яңы һунарсы билеттары алған

Галина Бахшиева

Бөгөнгө көндә Башҡортостанда 19 мең кеше берҙәм федераль өлгөләге һунарсы билеттары алған. Рәсәй буйынса дөйөм алғанда һунарсыларға таратылған яңы өлгөләге билеттар иҫәбе бер миллиондан ашып киткән.

Берҙәм федераль өлгөләге һунарсы билеттары бушлай бирелә, уларҙың ҡулланыу ваҡыты сикләнмәгән. Рәсәй Тәбиғәт ресурстары һәм экология министрлығының сайтында хәбәр ителеүенсә, РФ субъектының вәкәләтле башҡарма власть органына тейешле документтарҙы тапшырып, һунарсы билетын биш эш көнө дауамында шәхсән үҙеңә барып алырға кәрәк.

Бынан тыш, граждандар документтарын үҙҙәре килеп тапшыра алмай икән, уларҙы почта аша ла ебәрергә мөмкин.

Ғәмәлдәге ҡануниәткә ярашлы, РФ субъекттарының власть органдары граждандарҙан язаға тарттырылыуы-тарттырылмауы тураһында белешмә, шулай уҡ дәүләт власы органдары ҡарамағында булған башҡа төрлө документтар талап итеүгә хоҡуҡлы түгел.

Шул уҡ мәлдә ағзалыҡ һунарсы билеты берҙәм һунарсы билеты тапшырғанда тартып алынмай, гражданда ҡала һәм ойошма ағзалары уның менән йәмәғәт ойошмаһы менән бирелгән төрлө льготаларға хоҡуғы булыуын раҫлаусы документ булараҡ файҙалана ала.

Хәтерегеҙгә төшөрәйек, төрлө мәғлүмәттәргә ярашлы, Башҡортостанда бөгөн 35-45 мең һунарсы бар. Шуныһы мөһим: яңы билеттар бирелгәндә дәүләт һунарсылыҡ хужалығы реестрына һунарсылар тураһында мәғлүмәт индерелә. Уның ярҙамында төбәктә йәнлектәр донъяһынан файҙаланыусыларҙың аныҡ иҫәбен алырға мөмкин буласаҡ.

Төбәктәге һунарсыларының теүәл иҫәбе быйыл йәй билдәле буласаҡ. Тап ошо ваҡытҡа, аныҡлап әйткәндә, 1 июлгә ҡарата, һунарсыларҙың барыһы ла тиерлек иҫке билеттарын яңыһына алмаштырып бөтәсәк. Сөнки алдағы көҙ миҙгелендә федераль өлгөләге билет алғандарға ғына йәнлек аулауға рөхсәт биреләсәк.

1 из 2

#һунар #һунарсы билеттары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.