Июлдә Эстонияның Палдиски ҡалаһында Йәштәр һабантуйы үтәсәк

Әлим Фәйезов| фото: Флүзә Хәйруллина, Анна Бәйҙуллина

Эстонияла Палдиски ҡалаһы көндәре сиктәрендә Һабантуй байрамы үтәсәк. Быйыл ул 14 июлдә үтә һәм Балтика илдәре Йәштәр һабантуйы тип аталасаҡ, тип хәбәр итте Эстонияның «Ағиҙел» башҡорт мәҙәни үҙәге рәйесе Флүзә Хәйруллина. Байрамға Латвия, Эстония, Финляндия, Башҡортостандан ҡунаҡтар саҡырылған. 2012 йылдың мартында, Таллинда «Ағиҙел» башҡорт мәҙәни үҙәге рәйесе Флүзә Хәйруллина менән Башҡортостан Республикаһының ЮНЕСКО эштәре буйынса комитетының башҡарма директоры Өлфәт Йомағужиндың осрашыуы барышында һабантуйға Башҡортостандан профессиональ артистарҙың килеүе тураһында килешеүгә өлгәшелгәйне.

Һабантуй үткәреүҙән тыш, Эстонияның аҙ һанлы халыҡтары ассоциацияһы йыл һайын йәмғиәт ағзалары өсөн Эстония буйлап сәйәхәт ойоштора. Был саралар сиктәрендә мәҙәни йәмғиәт ағзалары Эстонияның барлыҡ тиерлек ҡалаларын һәм иҫтәлекле урындарын урап сыҡҡан. Үткән ял көндәрендә бындай экскурсия Палдиски ҡалаһына ойошторолдо. Был хаҡта Эстонияның «Ағиҙел» башҡорт мәҙәни үҙәге ағзаһы Анна Бәйҙуллина бына нимәләр һөйләне:

— Эстонияла йәшәүсе башҡорттар өсөн Палдиски ысын мәғәнәһендә изге ҡала булып тора. Ул беҙҙең милли геройыбыҙ Салауат Юлаев исеме менән бәйле. Яҡташыбыҙ иҫтәлегенә бында һәйкәл ҡуйылған, ҡала музейындағы экспонаттарҙың күпселеге башҡорт халҡының легендар улы менән бәйле.

Экскурсия бик ҡыҙыҡлы һәм файҙалы булды. Салауат Юлаев һәйкәле янында гид яҡташыбыҙ хаҡында һөйләне. Башҡортостандан килгән ҡунаҡ – Регина исемле ҡыҙ Салауат Юлаевҡа бағышлап, Ҡөрьәндән сүрәләр уҡыны. Бынан һуң һәйкәлгә сәскәләр һалдыҡ.

Экскурсияла ҡатнашыусылар был саранан бик ҡәнәғәт ҡалды һәм уны ойоштороусыларға, Эстония халыҡтары берләшмәһе идараһы ағзаһы, экскурсия етәксеһе Юрис Жигурсҡа рәхмәтен белдерҙе. Башҡорт халҡының данлыҡлы улына арнап сүрәләр уҡыу һәм һәйкәлгә сәскәләр һалыу йолаһы артабан да дауам итер, тип ышанабыҙ.

1 из 8

#һабантуй #милли берләшмәләр #салауат юлаев #палдиски

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.