Өфөлә ЮНЕСКО-ның халыҡ-ара проекты сиктәрендә «Изге йөрәк» хәйриә акцияһы үтәсәк

Эльмира Сабирова

«Изге йөрәк» хәйриә акцияһы йома, 20 апрелдә, Республика академия рус драма театрында үтәсәк. Сара Башҡортостан Республикаһының ЮНЕСКО эштәре буйынса комитеты башланғысы менән «Ильяс» халыҡ-ара социаль-гуманитар проекты сиктәрендә үткәрелә. Был проект Башҡортостанда 2010 йылдан алып тормошҡа ашырыла. Ауырыу балаларға матди ярҙам күрһәтеү өсөн хәйриә фондын булдырыу, шулай уҡ «Инклюзив белем биреү» халыҡ-ара проектын тормошҡа ашырыуҙа медицина һәм мәғариф учреждениеларына булышлыҡ итеү акцияның төп маҡсаты булып тора.

Акцияла ҡатнашыусылар – Башҡортостан һәм Германия белгестәре – медицина, мәғариф, социаль өлкә хеҙмәткәрҙәре һаулыҡ мөмкинлектәре сикләнгән балаларға ярҙам итә. Мәҫәлән, былтыр семинарҙар, консультациялар үткәреү, республика балаларына аныҡ ярҙам күрһәтеүҙән тыш, Штутгарт ҡалаһында ЮНЕСКО-ның «Инклюзив белем биреү» һәм «Европа контексында профессиональ компетенция» проекттарын тормошҡа ашырыу сиктәрендә Башҡортостан Республикаһының Мәғарифты үҫтереү институты менән Штутгарт ҡалаһындағы институт араһында логопедия өлкәһендә хеҙмәттәшлек итеү тураһында килешеүгә ҡул ҡуйылды.

Был юлы ойоштороусылар мәҙәни программа әҙерләй. Республика академия рус драма театрында «Голубая камея» спектаклен күрһәтәсәктәр. Билеттар һатыуҙан алынған аҡса инвалид балаларҙы дауалауға йүнәлтеләсәк.

#юнеско #халыҡ-ара хеҙмәттәшлек #акциялар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.