Төбәктә 21 быуат лидерҙары билдәләнде

Эльмира Сабирова

Көн элгәре Башҡортостанда балалар һәм йәштәр йәмәғәт ойошмалары лидерҙары һәм етәкселәренең «XXI быуат лидеры» бөтә Рәсәй конкурсының республика этабы финалы тамамланды.

Быйыл Шишмә районының «Энергетик» дауалау-һауыҡтырыу үҙәгендә үткәрелгән сараның йомғаҡлау этабында Өфө, Күмертау, Стәрлетамаҡ ҡалаларынан, Әлшәй, Өфө, Бәләбәй, Ишембай, Ҡырмыҫҡалы райондарынан 89 йәш активист ҡатнашты.

Иң яҡшыларын асыҡлау өсөн бәйгелә ҡатнашыусылар «Минең гражданлыҡ позициям» темаһы буйынса үҙҙәре менән таныштырҙы, тестар үтте, фекер алышыуҙа ҡатнашты.

Эксперттар советы фекеренсә, Күмертау ҡалаһынан Бөтә Рәсәй һуҡырҙар йәмғиәте Мәләүез бюроһының Йәштәр менән эшләү буйынса советы рәйесе Павел Сафонов иҫтә ҡалырлыҡ иң һәләтле ҡатнашыусы тип танылды. 20 минут эсендә ул һуҡыр балаларға ярҙам итеүгә арналған проект яҙып, уны уҡып ишеттерҙе. Был эш берәүҙе лә битараф ҡалдырманы. Ул «Балалар һәм йәштәр йәмәғәт ойошмаларының 26-35 йәшлек лидерҙары» номинацияһында еңеп сыҡты.

Шулай уҡ «Балалар һәм йәштәр йәмәғәт ойошмаларының 12-15 йәшлек лидерҙары» номинацияһында – Өфөнөң «Башҡортостан пионерҙары» балалар йәмәғәт ойошмаһынан Анастасия Трубицина, «Балалар һәм йәштәр йәмәғәт ойошмаларының 14-18 йәшлек лидерҙары» номинацияһында Күмертауҙан Сергей Золотухин еңеүсе булды.

Бәләбәй районынан Раил Фәритов 19-25 йәшлек ҡатнашыусылар араһында еңеү яуланы, ә Күмертауҙан Шамил Хәбибуллин «Балалар һәм йәштәр йәмәғәт ойошмалары етәкселәре (18 йәштән алып)» номинацияһында беренсе булды.

Республика этабында еңеүселәр «XXI быуат лидеры» бөтә Рәсәй конкурсында Башҡортостан исеменән сығыш яһай ала. Сара августа Ҡабарҙы-Балкарҙа үтәсәк. Бынан тыш, Раил Фәритов «Мәғариф» өҫтөнлөклө милли проекты сиктәрендә һәләтле йәштәргә ярҙам итеү өсөн премияға тәҡдим ителәсәк.

Төбәктәге бәйгене ойоштороусылар булып Башҡортостандың Йәштәр сәйәсәте һәм спорт министрлығы сығыш яһай.

#йәштәр #конкурстар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.