«Информреклама» нәшриәтендә Алик Шакировтың «Мой Кужанак» китабы баҫылып сыҡты

Любовь Колоколова

Өфөнөң «Информреклама» нәшриәтендә билдәле журналист Алик Шакировтың «Мой Кужанак» китабы баҫылып сыҡты. Аннотацияла әйтелеүенсә, был «автобиографик, художестволы-документаль, мемуар элементтары хас әҫәр». Унда автор ваҡыт һәм үҙе хаҡында бәйән итә. Китапта уның бала саҡ, мәктәп, студент йылдары, үҫмер сағы, гәзит редакцияларында эшләүе, республика Хөкүмәтенең һәм Президентының матбуғат хеҙмәттәрен булдырыусы һәм уларҙың етәксеһе булараҡ власть органдарында эшләүе, журналистикаға кире ҡайтыуы тураһындағы хәтирәләре урын алған.

Был Алик Шакировтың тәүге китабы. 92 биттә автор тормошоноң төрлө осорҙарын сағылдырған «Бала саҡ моңдары» («Звуки детства»), «Атай йорто» («Родительский дом, начало начал»), «Дуҫым Колька» («Мой друг, Колька»), «Гармун, китаптар һәм Роза» («Гармонь, книги и Роза»), «Тел уҡытыусыһы» («Учитель словесности»), «Alma mater», «Ленинец» мәктәбе» («Школа «Ленинца»), «Профсоюз босы» ярҙамсыһы» («Помощник «профсоюзного босса»), «Ҡайтыу» («Возвращение «блудного сына»), «Власть коридорҙарында» («В коридорах власти»), «Яңылыҡтар – беҙҙең һөнәр» («Новости – наша профессия») исемле 11 бүлек урын алған. Тәүге китабын Алик Фәйез улы атай-әсәйе – Фәйез Зариф улы һәм Нәйлә Яҡуб ҡыҙының яҡты иҫтәлегенә арнаған. Улар алты бала тәрбиәләп үҫтергән.

Китаптың ҡушымтаһында авторҙың матбуғатта баҫылып сыҡҡан ҡайһы бер мәҡәләләре лә урынлаштырылған.

Белешмә өсөн. Алик Фәйез улы Шакиров – Башҡортостан Республикаһының атҡаҙанған матбуғат һәм киң мәғлүмәт хеҙмәткәре, РФ һәм РБ Журналистар союзы ағзаһы, Ш.Хоҙайбирҙин исемендәге премия лауреаты. Башҡорт дәүләт университетының филология факультетын тамамлай. «Ленинец», «Советская Башкирия» республика гәзиттәрендә хәбәрсе, бүлек мөдире булып эшләй, Башҡортостан өлкә профсоюздар советы рәйесе ярҙамсыһы була. 90-сы йылдар башында БР Хөкүмәтенең һәм Президентының матбуғат хеҙмәттәрен булдырыусы һәм уларҙың тәүге етәксеһе була. 1996 йылдан «Башинформ» агентлығында эшләй.

Автор хәбәр итеүенсә, «Башинформ» агентлығындағы эшмәкәрлеге хаҡында ул айырым китап яҙырға уйлай.

Хеҙмәттәшебеҙҙе ысын күңелдән тәүге китабы менән ҡотлайбыҙ һәм уға яңы ижади уңыштар теләйбеҙ!

1 из 2

#китап сығарыу #яңы китаптар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.