Екатеринбургта башҡорт мәҙәниәте фестивале үтте

Тимур Рәхмәтуллин

Екатеринбургта Рәсәйҙең 1812 йылғы Ватан һуғышында еңеүенә 200 йыл тулыуға арналған X төбәк башҡорт мәҙәниәте фестивале үтте. Уны Силәбе өлкәһенең Башҡорт йәштәре иттифағы ярҙамында Свердловск өлкәһенең Мәҙәниәт һәм туризм министрлығы, «Уралмаш» халыҡ ижады һарайы, Свердловск өлкәһе башҡорттары үҙәге һәм Башҡортостандың Мәҙәниәт министрлығы ойошторҙо. Силәбе журналисы Динә Нафиҡова билдәләүенсә, Силәбе өлкәһе Башҡорт йәштәре иттифағының бер активисы Инвир Хисаметдинов концерт режиссеры булған.

Фестиваль Свердловск, Силәбе өлкәләренән һәм Башҡортостандан йөҙгә яҡын башҡорт ижади коллективын йыйҙы. Һәр сығышты тамашасылар дәррәү алҡыштар менән ҡаршы алды. Башҡортостандан «Карауанһарай» фольклор-эстрада төркөмөнөң сығышы тамашасы күңеленә айырыуса хуш килде.

Байрам артистарға – почет грамоталарын, ә ойоштороусыларға рәхмәт хаттарын тапшырыу менән тамамланды. Өлкәнең Башҡорт йәштәре иттифағы рәйесе Тимур Сафиуллин да был почетлы наградаға лайыҡ булды.

— Әлеге сараны ойоштороусыларға тейешле баһа биреү зарур, сөнки Свердловск өлкәһендә йәшәүсе башҡорттар күп түгел, - тип билдәләне ул. – Быға ҡарамаҫтан, фестиваль юғары кимәлдә үтте, зал тулы булды. Силәбелә лә ошондай кимәлдә фестиваль үткәреү өсөн уларҙан өйрәнәһе нәмәләр күп.

Уның фекеренсә, бындай саралар халыҡҡа башҡорттарҙың ил тарихында ҡатнашыуы тураһында ғына һөйләмәй, улар башҡорт һәм рус халыҡтарын берләштереүсе мөһим фактор ҙа булып тора.

#башҡорттар төбәктәрҙә #фестивалдәр #хәтер

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.