13700 кеше Башҡортостанда яңы һунарсы билеттары алған

Галина Бахшиева

Башҡортостанда бөгөн, төрлө мәғлүмәттәргә ҡарағанда, 35-45 мең самаһы һунарсы бар. Әлеге ваҡытта берҙәм федераль өлгөләге һунарсы билеттарын 13700 кеше алған. Шуныһы мөһим: яңы билеттар бирелгәндә дәүләт һунарсылыҡ хужалығы реестрына һунарсылар тураһында мәғлүмәт индерелә. Уның яҙамында төбәктә йәнлектәр донъяһынан файҙаланыусыларҙың аныҡ иҫәбен алырға мөмкин буласаҡ.

— Республика һунарсыларының теүәл иҫәбе быйыл йәй билдәле буласаҡ. Тап ошо ваҡытҡа, аныҡлап әйткәндә, 1 июлгә ҡарата, һунарсыларҙың барыһы ла тиерлек иҫке билтеттарын яңыһына алмаштырып бөтәсәк. Сөнки алдағы көҙ миҙгелендә федераль өлгөләге билет алғандарға ғына йәнлек аулауға рөхсәт биреләсәк, — тип аңлатты БР Тәбиғәттән файҙаланыу һәм экология министрлығының йәнлектәр донъяһы объекттарын файҙаланыуға дәүләт контроле бүлеге начальнигы Глеб Егоров.

Берҙәм федераль өлгөләге һунарсы билеты – мөҙҙәте сикләнмәгән һәм бөтә ил биләмәләрендә ҡулланырға мөмкин булған документ. Берҙәм федераль өлгөләге һунарсы билеттары 2011 йылдың 1 июлендә бирелә башланы. Был маҡсатҡа республика бюджетынан ике миллион һум аҡса бүленде. Һунарсы билеттары бушлай алмаштырыла һәм 2012 йылдың 1 июленә тиклем дауам итәсәк.

Хәтерегеҙгә төшөрәйек, ошо арала Рәсәй Тәбиғәт ресурстары һәм экология министрлығы һунарсыларға имтихан үткәреү практикаһын ҡайтарыу тәҡдиме менән сығыш яһаны. Әгәр был тәҡдим яҡлау тапһа, һунарсылар берҙәм дәүләт өлгөһөндәге һунарсы билеттарын имтихан һөҙөмтәһендә генә ала аласаҡ. Глеб Егоров фекеренсә, министрлыҡтың башланғысы аңлашыла, сөнки ул һунар, ҡорал менән хәүефһеҙ эш итеү ҡағиҙәләрен белеү-белмәүҙәрен тикшерергә мөмкинлек бирәсәк, йәнә һунарҙағы бәхетһеҙлек осраҡтарын минимумға ҡалдырасаҡ.

1 из 2

#һунар #һунарсы билеттары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.