Башҡортостанда йәш ғалимдар араһында ғилми эштәр конкурсы башланды

Эльмира Сабирова

Рәсәй Йәш ғалимдар союзының төбәк бүлексәһе йыл һайын үткәрелеүсе иң яҡшы ғилми эшкә конкурс старт алыуы тураһында иғлан итә. Быйыл ул физика-математика, химия, техник, гуманитар фәндәр, биология йүнәлештәре буйынса үткәрелә. Конкурс исемлегендә түбәндәгеләр күрһәтелгән:: генетика һәм биотехнологиялар, медицина, фармация, экономика, экология, Ер тураһында фән, ресурстарҙы һаҡсыл файҙаланыу, мәғлүмәт технологиялары һәм иҫәп-хисап техникаһы, нанотехнологиялар һәм наноматериалдар, музыкаль һәм художестволы ижад, инновацион инженер-техник проекттар.

Конкурста йәш ғалимдар (конкурсҡа эштәрҙе тапшырған ваҡытта 35 йәштән үтмәгән аспиранттар, фән кандидаттары һәм 40 йәшкә тиклемге фән докторҙары) һәм 1-5 кешенән торған йәш коллективтар ҡатнаша ала. Дәғүәселәр РФ граждандары булырға һәм Башҡортостанда даими йәшәргә, эшләргә йәки уҡырға тейеш.

Волга буйы федераль округы йәш ғалимдарының II форумын үткәреү сиктәрендә ойошторолған был конкурстың маҡсаты — фән һәм юғары профессиональ белем биреү өлкәһендә кадрҙар потенциалын үҫтереү, фундаменталь һәм ғәмәли тикшеренеүҙәрҙең һөҙөмтәлелеген күтәреү, фән һәм мәғариф өлкәһендәге инновацион инфраструктураны камилаштырыу.

Конкурс РФ Президентының Волга буйы федераль округындағы Тулы хоҡуҡлы вәкиле аппараты, БР Хөкүмәте, БР Мәғариф министрлығы, БР йәштәр сәйәсәте һәм спорт министрлығы, Рәсәй Фәндәр академияһының Өфө ғилми үҙәге һәм БР Вуз ректорҙары советы ярҙамында үткәрелә.

Ҡатнашыуға заявкалар 23 апрелгә тиклем Өфө ҡалаһы, Ленин урамы, 10, 1-се ҡат, 16-сы кабинет адресы буйынса ҡабул ителә.

Бүләкләү тантанаһы Өфө дәүләт нефть техник университетының конференц-залында 18 майға планлаштырылған.

#фән #йәш ғалимдар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.