Республикала 2012 йылдың иң яҡшы уҡытыусыһы һайланасаҡ

Эльмира Сабирова

«Башҡортостандың йыл уҡытыусыһы-2012» республика конкурсын асыу тантанаһы дүшәмбе, 2 апрелдә, Башҡортостандың Мәғарифты үҫтереү институтында үтәсәк.

Әлеге һөнәри оҫталыҡ бәйгеһендә 123 уҡытыусы ҡатнашасаҡ. Абсолют еңеүсенән тыш, «Рус теле һәм әҙәбиәте йыл уҡытыусыһы» һәм «Татар теле һәм әҙәбиәте йыл уҡытыусыһы» һайланасаҡ.

Бәйге ике турҙан тора. Беренсе турҙа конкурста ҡатнашыусылар инновацион проекттарын тәҡдим итәсәк, асыҡ дәрес күрһәтеп, уға анализ яһаясаҡ, уҡыусылар һайлаған тема буйынса класс сәғәте үткәрәсәк.

Икенсе турҙа иң юғары балл йыйыусы 15 кеше ҡатнашасаҡ. Уларҙы оҫталыҡ дәрестәрен үткәреү, лекция менән сығыш яһау һәм фекер алышыуҙа ҡатнашыу көтә.

Һәләтле, ижади эшләүсе уҡытыусыларҙы асыҡлау, тәбрикләү, уларға ярҙам итеү, шулай уҡ уҡытыусы һөнәре абруйын арттырыу, йәмәғәтселек аңында уҡытыусының ыңғай образын формалаштырыу конкурстың төп маҡсаты булып тора. Бынан тыш, ойоштороусылар иҫәпләүенсә, бындай саралар мәғариф өлкәһендә алдынғы идеяларҙы һәм республиканың иң яҡшы уҡытыусыларының ыңғай тәжрибәһен таратыуға булышлыҡ итә, ижади йәһәттән үҫеү өсөн уңайлы шарттар булдыра.

Конкурсты ойоштороусылар булып Башҡортостандың мәғариф министрлығы, Халыҡ мәғарифы һәм фән хеҙмәткәрҙәре профсоюзының республика комитеты, төбәктең Мәғарифты үҫтереү институты сығыш яһай.

#конкурстар #йыл уҡытыусыһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.