Среда, 16 Сентября 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Последние новости

Төп бит/Йәмғиәт

17:19 (UTC+5), 02 Апреля 2012

Өфөлә реконструкциянан һуң башҡорт гимназияһы асылды

Өфөнөң Дим районында масштаблы реконструкциянан һуң яңынан 102-се башҡорт гимназияһы асылды. Был күркәм, оҙаҡ көтөлгән ваҡиға дүшәмбе, 2 апрелдә, булды һәм биҫтә халҡы өсөн ысын байрамға әйләнде. Балаларының үҙ мәктәбенә ҡайтыуын улар өс йыл түҙемһеҙләнеп көттө.

1952 йылда төҙөлгән мәғариф учреждениеһы күптән ремонтҡа мохтаж ине. «БашРегионСтрой» төҙөүселәре арҡаһында уҡыу йорто яңы төҫ алды. Биш мең квадрат метрҙан ашыу майҙанда спорт һәм тантаналар залы, яҡты һәм киң ашхана, китап уҡыу залы, процедура һәм стоматология кабинеттары, ритмика класы урынлашҡан.

Тантанаға йыйылған Дим районы балалары үҙ мәктәптәренә ҡайтыуына шатланып бөтә алманы. Әммә уларҙан күберәк был ваҡиғаға ата-әсәләр ҡыуанғандыр, моғайын, уларға бит балаларын биҫтәнең икенсе мәктәбенә йөрөтөргә тура килде.

— Беҙ яҡында ғына йәшәйбеҙ, шуға ла ҡыҙым хәҙер мәктәпкә үҙе йөрөй аласаҡ, ә икенсе мәктәпкә өләсәһе оҙата торғайны. Был бик үк уңайлы түгел,— ти уҡыусыларҙың береһенең әсәһе. – Хәҙер ошондай матур мәктәптә уҡыясаҡбыҙ. Бындай бәхетте көтөп ала алғаныбыҙға ышанмай ҙа торам.

Ремонт үткән бинала 500 уҡыусы һәм 43 уҡытыусы урынлашасаҡ. Әйткәндәй, бында уҡыу бер сменала ойошторолған.

Гимназияны реконструкциялауға, уны ҡорамалдар һәм инвентарь менән йыһазландырыуға йәмғеһе 150 миллион һум бүленгән булған.

Мәктәпте асыу тантанаһында Өфө хакимиәте башлығы Ирек Ялалов, БР мәғариф министры Әлфис Ғаязов, Дим районы хакимиәте башлығы Зөфәр Хәкимов ҡатнашты.

Ирек Ялалов, бөтә кимәлдәге властарҙың был проектты тормошҡа ашырыуҙағы өлөшөн билдәләп, Дим халҡын һәм уҡыусыларҙы яңыртылған мәктәп асылыуы уңайынан ихлас ҡотланы. Ул, мәғариф өлкәһендә индерелгән бөтә стандарттарға яуап биреүсе заманса мәктәптә лайыҡлы белем бирелер, тигән ышанысын белдерҙе.

Ҡала башлығы йәнә, Дим биҫтәһендә комплекслы төҙөлөш киләсәктә лә алып барыласаҡ, тип билдәләне. Яңы уҡыу йылына 101-се урта мәктәпте сафҡа индереү планлаштырыла, «Дим-8» һәм «Дим-9» микрорайондарында тағы бер мәктәп һәм балалар баҡсаһы проектлана.

Район башлығы әйтеүенсә, быйыл Дим биҫтәһенә нигеҙ һалыныуына 125 йыл тула һәм ошондай әһәмиәтле социаль объект асылыуы — райондың үҫешеүенә сағыу дәлил. Уның әйтеүенсә, 102-се мәктәп үҙе лә оҙайлы, данлы юл үткән, 2012 йылда ул 60 йыллығын билдәләй. Зөфәр Хәкимов барыһына ла артабан уңыштар теләне.

1 из 20

#мәғариф #мәктәптәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.