12 апрелдә йәйге лагерҙарға путевкалар йәрминкәһе үтәсәк

12 апрелдә Профсоюздар йортонда (Өфө ҡалаһы, Киров урамы,1) йола буйынса йәйге сәләмәтләндереү лагерҙарына путевкалар йәрминкәһе үтәсәк, унда предприятиеларҙың ҡаланан ситтәге балалар сәләмәтләндереү лагерҙары, республиканың муниципаль, дәүләт һәм профсоюз лагерҙары ҡатнашасаҡ, тип хәбәр иттеләр БР Профсоюздар федерацияһының мәғлүмәт үҙәгенән.

Профсоюз ойошмаларына, шулай уҡ теләгән һәр кемгә балалар лагеры шарттары менән алдан танышыу, путевкалар алыуға килешеү төҙөү мөмкинлеген биреү йәрминкәнең төп маҡсаты булып тора. Был сара ата-әсәләргә һәм предприятиеларҙағы балалар ялын ойоштороусыларға лагерь етәкселәренә мөрәжәғәт итеп, лагерҙа булыу шарттары, уның матди базаһы тураһында мәғлүмәт алырға мөмкинлек бирә.

Путевкалар йәрминкәһендә ҡатнашыу өсөн заявкалар (347) 272-19-81 телефоны буйынса ҡабул ителә.