Өфөләге Ленин һәйкәле төҙөкләндереләсәк

Евгений Рәхимҡолов

Өфөнөң Ленин һәм Коммунистик урамдары киҫелешендәге скверҙа урынлашҡан, былтыр йыл аҙағында тегеҙелгән Владимир Ленин һәйкәле совет заманындағы күренешенә ярашлы төҙөкләндереләсәк. Төҙөкләндереү мәсьәләһен ҡала Советы ултырышында РФ Коммунистар партияһы фракцияһы вәкилдеренең береһе күтәрҙе.

Өфө хакимиәте башлыҡы Ирек Ялалов был тәҡдимде хуплап сыҡты.

— Беҙҙең бурыс — һәйкәлдең тарихи күренешен тергеҙеү. Һәм беҙ быны эшләйәсәкбеҙ, — тине ул.

Ирек Ялалов элек һәйкәл эргәһендә ике фонтан һәм ике стела булыуын хәтергә төшөрҙә. Уларҙың барыһы ла яңынан төҙөләсәк. Шул уҡ ваҡытта сити-менеджер быйылғы бюджеттың бынан алдағы саҡырылыш депутаттары менән раҫланыуын билдәләне. Унда был маҡсатҡа аҡса бүлеү ҡаралмаған. Әммә ҡала ниндәйҙер өҫтәмә килем алһа, 2013 йылға бюджет төҙөлөүен көтмәйенсә, һәйкәл быйыл уҡ төҙөкләндереләсәк.

Ирек Ялалов билдәләүенсә, Өфөлә дөйөм алғанда парк һәм скверҙарҙы төҙөкләндереү мәсьәләһе ярайһы киҫкен тора. Уның әйтеүенсә, Республика Йорто янындағы Ленин паркынан һәм Еңеү паркынан тыш, ҡалала ял итеү өсөн башҡа төҙөкләндерелгән урындар юҡ.

— Башҡа территорияларҙы, хатта «Ҡашҡаҙан» паркын да, еренә еткереп эшләргә кәрәк, — тип билдәләне Ирек Ялалов.

Уның һүҙҙәренсә, Өфө властары парктарҙы төҙөкләндереү менән муниципаль-шәхси партнерлыҡ шарттарында ла шөғөлләнергә иҫәп тота. Улар парктар ерен спорт, күңел асыу, сауҙа объекттары, ресторан комплекстары төҙөлөшөнә бирергә әҙер. Ләкин ҡала халҡының ялы өсөн тейешле инфраструктура булдырыу һәм парктарҙы төҙөкләндереү шарты менән, әлбиттә.

#урындағы власть #парктар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.