Баш ҡалала Ағиҙел аша яңы күпер төҙөләсәк

Евгений Рәхимҡолов

Яҡын арала Өфөнөң төньяҡ өлөшөндә Ағиҙел йылғаһы аша яңы күпер төҙөлә башлаясаҡ. Ҡала хакимиәте башлығы Ирек Ялалов ошондай тәҡдим индергән һәм уны Өфө ҡала Советы депутаттары хуплаған.

Сити-менеджер әйтеүенсә, ҡала үҫеше планындағы транспорт схемаһы менән Ҡариҙел һәм Ағиҙел йылғалары аша 10 күпер төҙөү ҡаралған. Был йүнәлештә республика етәкселеге лә ярҙам вәғәҙә иткән. Әммә урындағы властар хәл-ваҡиғаларға реаль ҡарарға тырыша һәм бөтә күперҙе лә бер юлы төҙөү өсөн аҡса табып булмауын яҡшы аңлай. Сөнки уларҙың һәр береһе кәм тигәндә ете миллиард һумға төшәсәк.

Шуға күрә алдағы йылдарҙа иң мөһим ике-өс күпергә иғтибар йүнәлтергә ҡарар ителгән. Уларҙың береһе төҙөләсәк урын раҫланған да инде. Был Затон биҫтәһенә Ағиҙел аша һалынасаҡ күпер. Быйыл уны төҙөүгә әҙерлек эштәре башланасаҡ.

Хәҙер Өфө властарына тағы ике күперҙе ҡайҙа төҙөү мәсьәләһен хәл итергә кәрәк. Ирек Ялалов фекеренсә, уларҙың береһен Черниковка биҫтәһендә төҙөү урынлы, сөнки унан әлеге ваҡытта Ағиҙел аша федераль һәм төбәк әһәмиәтендә трассаларға сығыу мөмкинлеге юҡ – Октябрь проспектынан йәки Салауат Юлаев проспектынан бөтә ҡала аша үтеп, башҡа күперҙәр аша йөрөргә тура килә.

Ирек Ялалов Черниковка халҡы өсөн Өфө дәүләт нефть техник университеты менән «Биатлон» спорткомплексынан алыҫ түгел ерҙә, Интернациональ урамы башланған ерҙә күпер эшләргә тәҡдим итте. Әйткәндәй, транспорт схемаһында был урында күпер төҙөү элек тә ҡаралған булған.

#урындағы власть #күпер

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.