Республикала «Социаль форум – 2012» фәнни проекттар конкурсында еңеүселәр тәбрикләнәсәк

Рәсәй дәүләт социаль университетының Өфө филиалында 30 мартта IV «Социаль форум — 2012» республика социаль проекттар конкурсында еңеүселәр һәм призерҙар тәбрикләнәсәк. Әлеге бәйгенең темаһы - «Йәштәр социаль мөхиттә».

Конкурста республиканың дөйөм белем биреү һәм коррекцион мәктәптәренән, юғары һәм урта махсус белем биреү йорттарынан 100-ҙән ашыу кеше ҡатнашты. Йәштәр араһында социаль өлкәләге тикшеренеүҙәр абруйын арттырыу, уҡыусыларҙы фәнни һәм ижади эшмәкәрлеккә йәлеп итеү, һәләтле балаларға ярҙам итеү, төбәктә имен социаль мөхит булдырыу конкурстың төп маҡсаттары булып торҙо.

Әлеге форум Башҡортостанда иғлан ителгән Имен бала саҡ һәм ғаилә ҡиммәттәрен нығытыу йылы һәм «Мәрхәмәт» хәйриә фонды ярҙамында ойошторолған «Минең йыһан донъяһы» бөтә Рәсәй конкурсы сиктәрендә үткәрелде.

Конкурс комиссияһына йәмғеһе 95 проект тәҡдим ителде. Һөҙөмтәлә 10 еңеүсе «Байконур» космодромына һәм Осоштар менән идара итеү үҙәгенә (Королев ҡалаһы) барасаҡ. Бынан тыш, финалистар Башҡортостандың Мәғариф министрлығынан грамоталар, шулай уҡ ҡиммәтле бүләктәр һәм Рәсәй дәүләт социаль университетының Өфө филиалында ойошторолған әҙерлек курстарында бушлай белем алыу мөмкинлеген аласаҡ.

Конкурсты йола буйынса Башҡортостан Республикаһының Мәғариф министрлығы, Хеҙмәт һәм халыҡты социаль яҡлау министрлығы һәм Рәсәй Космонавтика федерацияһының Башҡортостан төбәк бүлексәһе ойошторҙо.

Автор:Эльмира Сабирова

Теги:конкурстар һәләтле йәштәр наградлауҙар

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».