Полиция хеҙмәткәрҙәре эске эштәр органдары системаһында рухиәт, әхлаҡ һәм закон ролен тикшерә

Алик Шакиров

Рәсәй Эске эштәр министрлығы бөгөн видеоконференция режимында «РФ эске эштәр органдарында хеҙмәт итеү. Рухиәт. Әхлаҡ. Закон» исемле түңәрәк өҫтәл үткәрә. Сара Мәскәү дәүләт университетында уҙғарыла. Унда Эске эштәр министрлығы етәкселәре, руханиҙар, мәҙәниәт хеҙмәткәрҙәре, РФ Йәмәғәт палатаһы, РФ Эске эштәр министрлығы ҡарамағындағы Йәмәғәт советы ағзалары, шул иҫәптән Мәскәү һәм бөтә Рәсәй патриархы Кирилл, Рәсәй мөфтөйҙәре советы рәйесе мөфтөй шәйех Рауил Ғәйнетдин, Рәсәйҙең йәһүд дини ойошмалары конгресы рәйесе раввин Зиновий Коган ҡатнаша. Илдең бөтә субъекттарынан түңәрәк өҫтәлдә РФ эске эштәр органдарынан 25 меңдән ашыу хеҙмәткәр ҡатнаша. Рәсәй Эске эштәр министрлығының Башҡортостан буйынса идаралығының Ҙур залында шулай уҡ республиканың бөтә район һәм ҡалаларынан эске эштәр органдары вәкилдәре лә бар, улар махсус экрандар аша түңәрәк өҫтәл барышын күҙәтә ала.

Орашыуҙы асып, Рәсәйҙең эске эштәр министры Рәшит Нурғәлиев, Ҡазанда үткән ваҡиғалар күҙлегенән сығып ҡарағанда, теманың көнүҙәк булыуын билдәләне. Ул Эске эштәр министрлығы системаһындағы реформаның әле әҙер булмауын билдәләне. «Беҙ әле башлап ҡына торабыҙ», тине министр. Бер сәғәт эсендә генә, уның фекеренсә, хәлде яҡшыртып булмай. Ул шулай уҡ түбәндәге мәғлүмәт менән таныштырҙы: үткән йылда хеҙмәт бурысын үтәгәндә 322 полиция хеҙмәткәре һәләк булған, 3062 кеше төрлө йәрәхәт алып, зыян күргән. Ә 2010 йылда һәләк булған милиция хеҙмәткәрҙәре исемлегендә 410 кеше иҫәпләнгән.

Был һандарға комментарий биреп, Мәскәү һәм бөтә Рәсәй патриархы Кирилл полиция хеҙмәткәрҙәре араһында ҡорбандар һанының хәрби хәрәкәттәр осорондағы ҡорбандарға тиң булыуын билдәләне. Патриарх фекеренсә, илдә йәмғиәт закондары буйынса йәшәргә теләмәгән кешеләр менән ысын мәғәнәһендә йәшерен һуғыш бара. Рус православие сиркәүе башлығы граждандарҙы яҡлап һәләк булған барлыҡ полиция хеҙмәткәрҙәренә рәхмәтен белдерҙе. Ул сиркәүҙең, конфессияларҙың тәрбиәүи роле хаҡында әйтте. Уның фекеренсә, йәмғиәттә әхлаҡи татыулыҡ булырға тейеш. Әлегә йәмғиәтебеҙ был татыулыҡ нигеҙендә йәшәп килә, әммә ул тарҡала башланы. Әгәр ҙә ул тулыһынса тарҡала ҡалһа, афәт булыуы мөмкин. Ул саҡта власть вәкилдәренә, полиция хеҙмәткәрҙәренә эш хаҡын арттырыу ҙа ярҙам итә алмаясаҡ.

«Кеше йәнен реформалаштырыу» тураһындағы фекерҙе үҙенең сығыштарында Рәсәйҙең халыҡ артисы, Бәләкәй театрҙың художество етәксеһе Юрий Соломин, мөфтөй Рауил Ғәйнетдин һәм башҡа ҡатнашыусылар ҙа дауам итте.

#эске эштәр министрлығы #рухиәт #әхлаҡ #закон

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.