Федераль йыһан агентлығы Башҡортостанда Йыһан хеҙмәттәре үҙәген аса

Галина Бахшиева

9 апрелдә Федераль йыһан агентлығы (Роскосмос) Башҡорт дәүләт университеты нигеҙендә төбәк Йыһан хеҙмәттәре үҙәген асасаҡ. Пермь крайынан, Татарстандан, Һамар, Киров һәм Түбәнге Новгород өлкәләренән ҡала, Башҡортостан илдәге бындай үҙәк ойоштороласаҡ алтынсы төбәк буласаҡ.

Республика етәкселегенән тыш, төбәк өсөн бындай әһәмиәтле проектты асыуға Федераль йыһан агентлығының тулы хоҡуҡлы вәкиле Вячеслав Безбородов, шулай уҡ Мәскәү геодезия һәм картография университеты, Башҡорт дәүләт университеты һәм Өфө дәүләт авиация техник университеты вәкилдәре саҡырыласаҡ.

— Быйыл февралдә беҙҙә, Башҡорт дәүләт университетында, Йыһан хеҙмәттәре үҙәге асылды. Хәҙер иһә Федераль йыһан агентлығының төбәк үҙәгенең рәсми презентацияһы үтәсәк, Роскосмос 9 апрелдә инновация-белем биреү йүнәлешендәге программаларын БашДУ-ға бушлай тапшырасаҡ. Роскосмос менән БашДУ араһында программа продукттарын тапшырыу тураһындағы килешеүгә ҡул ҡуйылған да инде, — тип хәбәр итте «Башинформ» агентлығына Йыһан хеҙмәттәре үҙәге директоры, техник фәндәр кандидаты, БашДУ-ның география факультеты доценты Шәйхел-Ислам Ҡотошев.

Проекттың әһәмиәте ҙур, сөнки йыһан үҙәге менән күрһәтелгән хеҙмәттәр спектры ярайһы киң. Улар араһында, ватан һәм сит ил ҡорамалдарын файҙаланып, Ерҙе зонд ярҙамында дистанцион тикшереү һөҙөмтәһендә йыһандан алынған мәғлүмәтте ҡабул итеү, теркәү, эшкәртеү, архивация, шулай уҡ уны таратыу кеүек хеҙмәттәр бар.

Йыһан хеҙмәттәре үҙәгендә электрон хөкүмәт индерергә планлаштырыуҙары ла мөһим. Икенсе төрлө әйткәндә, Башҡортостан террриторияһында барған ваҡиғалар, мәҫәлән, һыу ташыуы, янғындар, юлдарҙағы ғәҙәттән тыш хәлдәр булһынмы ул – былар барыһы ла йыһан аша реаль ваҡыт режимында шунда уҡ республика Президентына тапшырыласаҡ.

Бөгөн йыһан эшмәкәрлеге һөҙөмтәләре күп өлкәләрҙәге мәсьәләләрҙе хәл иткәндә әүҙем ҡулланыла ала, тип иҫәпләй Шәйхел-Ислам Ҡотошев. Былар -торлаҡ-коммуналь комплексының, ауыл, һыу һәм юл хужалығының эшмәкәрлеген тәьмин итеү, шулай уҡ ер ресурстарын нисек файҙаланыуҙарын, айырыуса һаҡланған тәбиғәт биләмәләрендәге эштәр торошон контролдә тотоу.

#йыһан хеҙмәттәре үҙәге

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.