Башҡортостан һәм Өфө яңылыҡтары
70.52
+0.92
76.3
+0.52
85.11
-0.35
-18 °C
Болотло
Бөтә яңылыҡтар
Йәмғиәт
28 Март 2012, 14:19

«Бөтә донъя өмәһе-2012» алдынан Өфөлә экологик өмәләр ойоштороласаҡ

«Бөтә донъя өмәһе-2012: әйҙәгеҙ быны башҡарайыҡ!» («Let’s Do It! World Cleanup 2012») акцияһы алдынан 15 майҙа Башҡортостан баш ҡалаһының 25 урынында экологик өмәләр ойоштороласаҡ.
— Сүп-сарҙан таҙартыласаҡ территориялар Өфөлә билдәләнгән дә инде. Яҙғы өмәләр ҡалабыҙҙы таҙараҡ итәсәк, иң мөһиме - «Бөтә донъя өмәһе-2012» акцияһын ойоштороу һәм үткәреүҙең аныҡ системаһын әҙерләү, Рәсәйҙә 15 сентябрҙә үтәсәк ҙур эко-проектты һынап ҡарау мөмкинлеген бирәсәк, - тип һыҙыҡ өҫтөнә алды «ЭКА-Башҡортостан» йәмәғәт хәрәкәте етәксеһе Гүзәл Латыпова.
«Бөтә донъя өмәһе-2012» акцияһын әҙерләү һәм үткәреүҙә теләгән һәр кем ҡатнаша ала. Төрлө өлкәләрҙә эшләүсе кешеләрҙе урындағы экология мәсьәләләренә йәлеп итеү акцияның төп маҡсаты булып тора.
Автор:Галина Бахшиева
Читайте нас в