Башҡортостан удмурттары Ижевскиҙағы фольклор фестивалендә ҡатнашты

Тимур Рәхмәтуллин

Удмуртия Республикаһы менән Рәсәйҙең удмурттар күпләп йәшәгән төбәктәре араһында бәйләнештәрҙе нығытыу маҡсатында Ижевскиҙа «Чакара» удмурттарҙың боронғо моңдары» төбәк-ара фольклор фестивале үткәрелде. Унда Башҡортостан вәкилдәре лә сығыш яһаны.

Фестиваль сиктәрендә «Удмуртия Республикаһы Милли сәйәсәт министрлығының удмурт диаспораһы менән килешеп эш итеүе» семинары үтте. Унда «Удмурт кенеш» бөтә удмурттар ассоциацияһы президенты Николай Мөсәлимов, Удмуртияның башҡарма һәм закондар сығарыу власы етәкселәре, шулай уҡ Башҡортостан, Татарстан, Мари Иле, Свердлов һәм Киров өлкәләре, Пермь крайынан удмурт диаспоралары вәкилдәре ҡатнашты. Форумдың тәүге көнөндә «Удмуртияның удмурт диаспораһы менән килешеп эшләү системаһы» түңәрәк өҫтәле үтте. «Яңы Тәтешле» удмурт тарихи-мәҙәни үҙәге мөдире Антонида Шәйбәкова Башҡортостан удмурттары милли-мәҙәни үҙәгенең Удмурт тарихи-мәҙәни үҙәге менән берлектәге эшмәкәрлеге хаҡында доклад менән сығыш яһаны.

Түңәрәк өҫтәлдән һуң «Бурановские бабушки» ансамбле менән осрашыу үтте, был төркөм «Евровидение» конкурсында Рәсәй исеменән сығыш яһаясаҡ.

Сараның икенсе көнөндә «Чакара» удмурттарҙың боронғо моңдары» төбәк-ара фольклор фестивале гала-концерты үтте, унда Башҡортостан коллективтары ла сығыш яһаны. Улар: «Учы ныл», «Марзан» (Тәтешле районы), «Зангари» (Яңауыл районы), «Инвожо» (Борай районы) һәм «Гуждор» (Ҡалтасы районы).

#милли сәйәсәт #тарихи-мәҙәни үҙәк #төбәк-ара бәйләнештәр

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.